ირაკლი ღარიბაშვილის მიერ შექმნილმა სოლიდარობის ფონდმა 136 ბავშვის გადარჩენა შეძლო, აღნიშნულთან დაკავშირებით ინფორმაციას „სოლიდარობის ფონდი” მის ოფიციალურ გვერდზე ავრცელებს.
„სოლიდარობის ფონდი მე-7 პერიოდულ ანგარიშს აქვეყნებს, სადაც ათი ათასობით ადამიანისა და ათეულობით ორგანიზაციის დახმარებით ერთად მიღწეულ შედეგებს ვაჯამებთ.
2014 წლის ივლისიდან დღემდე ჩვენ შევძელით 3 523 000 ლარის მობილიზება და 136 ოჯახის დახმარება სიმსივნით დაავადებული 112 ბავშვისა და 24 ახალგაზრდის დიაგნოსტიკისა და მკურნალობისათვის. მათ შორის 45 გოგონა და 91 ვაჟია.
უღრმესი მადლობა ფონდის თითოეულ მხარდამჭერს, რომ გვაძლევთ ბავშვებისა და მათი ოჯახების თანადგომის შესაძლებლობას!
ამასთანავე, კიდევ ერთხელ გთხოვთ, რომ მაქსიმალურად გაავრცელოთ ფონდის საქმიანობის შესახებ ინფორმაცია მეგობრებსა და კოლეგებს შორის.
თუკი უფრო მეტი ადამიანი შემოგვიერთდება, ჩვენ რამოდენიმე თვეში ონკოლოგიის გარდა სხვა მძიმე სენით დაავადებული ბავშვებისა და მოზრდილი პაციენტების დახმარებასაც შევძლებთ.
პატივისცემითა და საუკეთესო სურვილებით”, – ნათქვამია სოლიდარობის ფონდის მიერ გავრცელებულ განცხადებაში.
„სოლიდარობის ფონდი” 2014 წელს, საქართველოს პრემიერ-მინისტრის ირაკლი ღარიბაშვილის ინიციატივით შეიქმნა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.