„საბრძოლო მოქმედებების არენას დაემსგავსა ეს მთაწმინდა. უცხო ადამიანმა რომ შეხედოს, ეგონება, რომ ომი იწყება ქალაქში. ხომ ხედავთ საერთოდ რა ხდება მთაწმინდაზე ხალხო. გაუგონარი მდგომარეობაა“, განაცხადა პარლამენტის შენობასთან „ნაციონალური მოძრაობის“ და სხვა პოლიტიკური ძალების აქტივთან ერთად მისულმა „ერთიანი ნაციონალური მოძრაობის“ პოლიტიკური საბჭოს წევრმა, ზაალ უდუმაშვილმა.

„საბრძოლო მოქმედებების არენას დაემსგავსა ეს მთაწმინდა. უცხო ადამიანმა რომ შეხედოს, ეგონება, რომ ომი იწყება ქალაქში. ხომ ხედავთ საერთოდ რა ხდება მთაწმინდაზე ხალხო. გაუგონარი მდგომარეობაა, ომისთვის ემზადებიან თუ საბრძოლო მოქმედებებისთვის იმიტომ, რომ რამდენიმე ასეულმა ადამიანმა ვერ მიაღწიოს პარლამენტის შენობასთან და პროტესტი ვერ გამოთქვას პარლამენტის შენობასთან. ეს ყველაფერი არის დღეს სახე „ქართული ოცნების“ და ბიძინა ივანიშვილის შეშინებული სახე, რომელსაც ეშინია საკუთარი მოქალაქეების. დღეს, რკინის ჯებირებით გაყო „ქართულმა ოცნებამ“, საკუთარი თავი დააყენა რკინის ჯებირების იქით და საქართველოს მოსახლეობა დააყენა რკინის ჯებირების აქეთ“, განაცხადა ზაალ უდუმაშვილმა.