პარლამენტის შენობასთან პიკეტირებისთვის მისული ფრაქცია „ნაციონალური მოძრაობის“ თავმჯდომარე რომან გოცირიძე აცხადებს, რომ ხელისუფლებამ თვითბლოკადა მოიწყო, აქციები კი „გაგრძელდება გამარჯვებამდე და მოუწევთ ხალხის სურვილის შესრულება“.

„ახლა აგერ ჩვენ ვსეირნობთ. ჩვენს გასაკეთებელ საქმეს აკეთებს მთავრობა, მოიწყვეს თვითბლოკადა, თვითპიკეტი. ნაცვლად იმისა, რომ ახლა აქ ალყაში იყვნენ შემორტყმული და ჩვენ ასე ვთქვათ, ვიცავდეთ ამ პარლამენტს ამ მატყუარა და თაღლითი დეპუტატებისაგან, თავად მოუწყვეს საკუთარ თავს ბლოკადა, გამომწყვდეულები არიან.

„ძალიან ჰაგვს ორი აქცია ერთმანეთს. ერთი წუხანდელი აქციაა, რომელსაც ჰქვია ბიძინა ივანიშვილს ინტერვიუ. სადაც იყო ძალიან დიდი შიშის თვალები და ახლა ჩვენ ვხედავთ შიშის კედლებს - ეს არის ფოლადის შიშის კედლები, შეშინებული ხელისუფლება, რომელსაც ხალხთან ურთიერთობის არავითარი უნარი არ აქვს, არ შერჩა არავითარი ნდობა.

„გუშინ მოვისმინეთ აბსოლუტურად არაადეკვატური აზრები მათი ლიდერისა, რომელიც ეკონომიკაში ჩავარდნას აბრალებდა ოპოზიციას იმის გამო, რომ თურმეო მათ ჩვენ არ მოგვცესო კომპეტენტური თუ რაღაც სიტყვა იხმარა, რჩევებიო. ოპოზიციას ეხვეწება მოგვეცით რჩვებიო.

„7 წელია ვურჩევთ თუ როგორ გაამყარონ ლარი, მაგრამ თვალთმაქცები არიან. მათ რჩევა კი არ აინტერესებთ, მათ აინტერესებთ ფულის მოპარვა ბიუჯეტიდან და აინტერესებთ საკუთარი ბიზნესის გაკეთება და ძალაუფლებაში ყოფნა იმის გამო, რომ იმ სიკეთეებით ისარგებლონ, რა სიკეთეებითაც ისარგებლეს მათ ამ მრავალი წლის განმავლობაში. ასე რომ, გაგრძელდება ეს პროცესი გამარჯვებამდე, მოუწევთ ხალხის სურვილის შესრულება“, განაცხადა რომან გოცირიძემ „ტვ პირველის“ პირდაპირ ეთერში.