დონალდ ტრამპის ადმინისტრაცია ნატოს კოლექტიურ ბიუჯეტში შენატანის მნიშვნელოვან შემცირებაზე გადადის, დაზოგილი თანხა კი უკრაინისა და საქართველოს თავდაცვით პროგრამებს მოხმარდება. ინფორმაციას CNN ავრცელებს.

პენტაგონის წარმომადგენლები აცხადებენ, რომ ტრამპის ადმინისტრაცია 22%-დან 16%-მდე გეგმავს შენატანის შემცირებას, რაც გერმანიის შენატანს მიუახლოვდება, რომელიც 14,8% შეადგენს.

2019 წელს ნატოს სამოქალაქო ბიუჯეტი დაახლოებით 260,5 მლნ დოლარით განისაზღვრა და ბელგიაში ნატოს შტაბ-ბინისა და ადმინისტრაციული ხარჯის დასაფარად იყო მიმართული.

რაც შეეხება სამხედრო ბიუჯეტს, ის 1,56 მლრდ დოლარს შეადგენს, რომელიც მიმართულია ზოგიერთი ერთობლივი ოპერაციების დაფინანსებაზე.

აქამდე აშშ-ის კონტრიბუცია ნატო-ს პირდაპირი დაფინანსების 22%-ს შეადგენდა, რაც გერმანიის შენატანს, 14,8%-ს უახლოვდებოდა. „სიენენი“ აღნიშნავს, რომ ტრამპის ადმინისტრაციის გადაწყვეტილება მეტწილად სიმბოლური ნაბიჯია, რადგან ნატო-ს პირდაპირი ბიუჯეტი შედარებით მცირეა და დაახლოებით 2,5 მილიარდ დოლარს შეადგენს და ის განცალკევებულია ნატო-ს წევრი ქვეყნების ეროვნული თავდაცვითი ბიუჯეტებისგან, რომლებიც, ალიანსის რეკომენდაციით, მშპ-ს ორ პროცენტს უნდა შეადგენდნენ.

არსებული ინფორმაციით, ტრამპის ადინისტრაცია ალიანსის ბიუჯეტში თავის წვლილს 16%-მდე შეამცირებს და დაახლოებით გერმანიის შენატანს გაუთანაბრებს, რომელიც 14,8% შეადგენს იმის მიუხედავად, რომ აშშ-ის ეკონომიკა უფრო დიდია.

CNN-ის ინფორმაციით, თეთრმა სახლმა ნატო-სთან საერთო ბიუჯეტში შენატანის საკითხი უკვე შეათანხმა.