„ერთიანი ნაციონალური მოძრაობის“ ერთ-ერთმა ლიდერმა გრიგოლ ვაშაძემ განაცხადა, რომ „ქართულ ოცნებასთან“ უცხო ქვეყნების დიპლომატების შუამავლობით გამართული დღევანდელი შეხვედრა, რომელიც 2020 წლის საპარლამენტო არჩევნების ე.წ. გერმანული მოდელის მიხედვით ჩატარების შესაძლებლობას განიხილვადა, სრულიად უშედეგოდ დასრულდა და საპროტესტო აქციები გაგრძელდება, თუმცა იქნება თუ არა პიკეტირება, ვაშაძე ამბობს, რომ ამაზე ოპოზიცია დამატებით გაივლის კონსულტაციებს.

გრიგოლ ვაშაძემ აღნიშნა, რომ მიუხედავად დღევანდელი უშედეგო შეხვედრისა, ოპოზიცია მზად არის ხელისუფლების წარმომადგენლებთან შეხვედრის მეორე რაუნდი გამართოს.

„ყოველგვარი დიპლომატიის გარეშე გეტყვით: მმართველი გუნდი ამ შეხვედრაზე მოვიდა მხოლოდ იმიტომ, რომ განიცდიდა განუწყვეტლივ პრესს საქართველოს მოქალაქისგან, ოპოზიციისგან და ჩვენი სტრატეგიული მოკავშირეებისგან, ისე, არავითარ დიალოგზე ეს მმართველი გუნდი ან ე.წ. ხელისუფლება არ წამოვიდოდა.

„მეორე და ძალიან მნიშვნელოვანი. აბსოლუტურად არაფრისთვის მზად არ იყვნენ. არავითარი წინადადება და არც იდეა არ ჰქონდათ.

„მესამე, კატეგორიული უარი თქვეს განხილვაზე იმ კომპრომისული შეთავაზების, რომელიც მოამზადა ოპოზიციამ და რომელზეც გუშინ 30-მა პარტიამ მოაწერა ხელი და მეოთხე, ჩვენ დავადასტურეთ, რომ მიუხედავად იმისა, რომ ეს შეხვედრა დამთავრდა სრულიად უშედეგოდ, სამწუხაროდ, თუ ამას მოინდმებენ ჩვენი მედიატორები და სტრატეგიული პარტნიორები, ჩვენ მეორე რაუნდსაც დავესწრებით“, განაცხადა გრიგოლ ვაშაძემ.