დედაქალაქის მერმა დავით ნარმანიამ თბილისის ვიცე-მერის პოსტზე ლაშა აბაშიძე წარადგინა. ლაშა აბაშიძე ვაკის გამგებლის პოსტს 2015 წლის 12 მარტიდან იკავებდა, მანამდე კი პრეზიდენტის ადმინისტრაციის უფროსის თანამდებობას იკავებდა.
"ლაშა აბაშიძეს აქვს საკმაოდ მდიდარი გამოცდილება, როგორც საჯარო სექტორში, ისე საერთაშორისო ორგანიზაციებში მუშაობის ლაშა განსაკუთრებით გამოირჩეოდა თავისი საქმიანობით ბოლო პერიოდში. მის გამგებლობის პერიოდს უკავშირდება არაერთი ინფრასტრუქტურული და საგანმანათლებლო პროექტი ვაკის რაიონში. მისი გამგებლობის პერიოდში მოხდა სამწუხაროდ 13 ივნისის სტიქია, ამიტომ მას უწევდა სამთავრობო გუნდთან ერთად 24-საათიან რეჟიმში ძალიან აქტიური მუშაობა, რათა გვერდში დავდგომოდით თითოეულ ჩვენს თანამოქალაქეს",- აღნიშნა ნარმანიამ.
მისივე თქმით, ლაშა აბაშიძე ახლაც აქტიურად არის ჩართული შესაბამის სალიკვიდაციო მოქმედებებში და უკვე ვიცე-მერის რანგში აქტიურად გააგრძელებს ამ საკითხებზე მუშაობას. ნარმანიას ინფორმაციით, ლაშა აბაშიძის კანდიდატურა საკრებულოს უახლოეს სხდომაზე წარედგინება დასამტკიცებლად.
თბილისის ვიცე-მერის პოსტი ვაკანტური პირველი სექტემბრის შემდეგ არის, რაც პრემიერ-მინისტრმა დიმიტრი ქუმსიშვილი ეკონომიკისა და მდგრადი განვითარების მინისტრის პოსტზე წარადგინა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.