დედაქალაქის მერია კვლავ შეუერთდა ქალთა ძალადობის საწინააღმდეგო 16-დღიან მსოფლიო კამპანიას. ამჯერად აქცია თბილისის მუნიციპალურ ავტობუსებსა და გაჩერებებზე გაიმართა, სადაც მოქალაქეებს მოუწოდებდნენ, რომ ხმა აღიმაღლონ ძალადობის წინააღმდეგ, დაიცვან საკუთარი და სხვისი უფლებები.
აქციაში მონაწილეობა მიიღეს თბილისის მერის მოადგილე სოფიო ხუნწარიამ და მერის მრჩეველმა გენდერულ საკითხებში ნინო ბურძენიძემ.
„ჩვენ უკვე მეორე წელია ვუერთდებით ქალთა ძალადობის წინააღმდეგ მსოფლიო კამპანიას. დავდივართ საზოგადოებრივ ტრანსპორტში, ვარიგებთ საინფორმაციო ბუკლეტებს, რათა მაქსიმალურად ავამაღლოთ ცნობიერება და მივაწოდოთ ინფორმაცია, რომ ძალადობა არის დასჯადი. მინდა მივმართო ყველა ქალს: მნიშვნელოვანია, რომ მათ აუცილებლად აღიმაღლონ ხმა და ძალადობის შემთხვევაში, დაურეკონ პატრულს, არასამთავრობო ორგანიზაციებს და დაიცვან საკუთარი უფლებები“, - განაცხადა სოფიო ხუნწარიამ.
ძალადობისგან დაცვის მნიშვნელობაზე ისაუბრა მერის მრჩეველმა გენდერულ საკითხებში ნინო ბურძენიძემაც. მისი თქმით, ყველას უნდა ახსოვდეს, რომ ძალადობა დასჯადია.
დღევანდელი აქცია თავისუფლების მოედანზე, ავტობუსების გაჩერებიდან დაიწყო და რუსთაველის გამზირზე მდებარე გაჩერებებსა და საზოგადოებრივ ტრანსპორტში გაგრძელდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.