საპატრულო პოლიციის დეპარტამენტის თანამშრომლები თბილისის N49 საბავშვო ბაგა-ბაღს ეწვივნენ. შეხვედრა შინაგან საქმეთა სამინისტროსა და სკოლამდელი სააღმზრდელო დაწესებულების ადმინისტრაციის თანამშრომლობით განხორციელდა.
ბაგა-ბაღის აღსაზრდელებმა სტუმრებისთვის იმიტირებული საგზაო ინფრასტრუქტურა მოაწყეს და სხვადასხვა ამპლუა მოირგეს. პატარა "პოლიციელებმა", "მეხანძრე-მაშველებმა", "ექიმებმა" და სხვა პროფესიების წარმომადგენლებმა გზებზე უსაფრთხო მოძრაობის შესახებ დაგროვილი ცოდნა საპატრულო პოლიციის დეპარტამენტის თანამშრომლებს გაუზიარეს. პატრულ-ინსპექტორებმა კი პატარებს გზებზე უსაფრთხოდ გადაადგილებისთვის საჭირო დამატებითი ინფორმაცია მიაწოდეს.
ბაგა-ბაღის აღსაზრდელებმა საპატრულო პოლიციის თანამშრომლებს შეკითხვებიც დაუსვეს, რომლებზეც ამომწურავი პასუხები მიიღეს. ღონისძიების დასასრულს, პატრულ-ინსპექტორებმა და ბავშვებმა სამახსოვრო ფოტოები გადაიღეს.
შინაგან საქმეთა სამინისტროს საპატრულო პოლიციის დეპარტამენტის პატრულ-ინსპექტორები, საგზაო უსაფრთხოების კამპანიის - „მეტი სიცოცხლისთვის“ ფარგლებში, ბავშვებსა და მოზარდებთან შეხვედრებს მთელი საქართველოს მასშტაბით ატარებენ. პროექტის მიზანია გზებზე უსაფრთხოდ გადაადგილების მიმართულებით ცნობიერების ამაღლება და ავტოავარიების პრევენცია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.