ბადრი პატარკაციშვილსა და ბიძინა ივანიშვილს შორის ძალიან ცუდი ურთიერთობა იყო. ბადრის ჩემთან ნათქვამი აქვს პირადად, რომ ის აქეზებს სააკაშვილსო, რომ გადამეკიდოს და შემავიწროოსო, - განაცხადა „ტვ პირველის“ გადაცემა „რეაქციაში“ „ლეიბორისტული პარტიის“ თავმჯდომარემ, შალვა ნათელაშვილმა.

„ივანიშვილი ნაც. მოძრაობის სპონსორი არ იყო ხალხო? ვარდების რევოლუცია არ დააფინანსა? ამის თაობაზე მან განაცხადა და არ ამაყობდა? ყველა გადაწყვეტილების - აი, გადასახადების გაზრდა, გაღატაკება, 3% მოსახლეობის ხელში სიმდიდრის თავმოყრა, ყველა ამ გადაწყვეტილების ფარული ავტორი ბიძინა ივანიშვილი იყო, შევარდნაძის დროიდან.

„პირდაპირ ვთქვათ, მე ბადრი პატარკაციშვილთან მქონდა შესანიშნავი ურთიერთობა, ღმერთმა აცხონოს და ის იყო მართლაც ღირსეული ქართველი კაცი თავისი მენტალობით. ამაზე [ივანიშვილზე] მეტი ქართველი იყო, მინდა გითხრათ, ბევრად მეტი და ეს საერთოდ, არც ქართველია და არც არანაირი ეროვნება არ არის. ამის ეროვნება არის დოლარი, მწვანე დოლარი.

„ბადრი პატარკაციშვილსა და ბიძინა ივანიშვილს შორის ძალიან ცუდი ურთიერთობა იყო. ბადრის ჩემთან ნათქვამი აქვს პირადად, რომ ის აქეზებს სააკაშვილსო, რომ გადამეკიდოს და შემავიწროოსო. ამას ჰქონდა გათვლილი რა? ერთმანეთზე დაეჯახებინა პოლიტიკური სპექტრი, ვისაც ვერ იყიდიდა. ბადრი მისი კონკურენტი იყო მსხვილ ბიზნესში და ისე ვერ იგრიალებდა, როგორც სურდა - ყველას ერთმანეთი გაენადგურებინა, მოესპო და მერე მოსულიყო თვითონ. გარკვეულწილად, ეს შეასრულა“, განაცხადა შალვა ნათელაშვილმა.