საქართველოსა და ჯორჯიის შტატის ეროვნულ გვარდიებს შორის პარტნიორობის 25-ე წლისთავთან დაკავშირებით, საქართველოში ვიზიტით აშშ-ის ჯორჯიის შტატის ეროვნული გვარდიის მეთაური, გენერალ-მაიორი ტომას კარდენი იმყოფება. დღეს გენერალ-მაიორ ტომას კარდენს საქართველოს თავდაცვის ძალების მეთაურმა, გენერალ-ლეიტენანტმა ვლადიმერ ჩაჩიბაიამ უმასპინძლა.
გენერალურ შტაბში გამართულ გაფართოებულ შეხვედრაზე მხარეებმა საქართველოს თავდაცვის ძალებსა და ჯორჯიის შტატის ეროვნულ გვარდიას შორის თანამშრომლობის მიმდინარე საკითხები და მომავლის პერსპექტივები განიხილეს. გენერალ-ლეიტენანტმა ვლადიმერ ჩაჩიბაიამ ამერიკელ გენერალს საქართველოს ეროვნული გვარდიის განვითარებაში შეტანილი წვლილისთვის მადლობა გადაუხადა და ყურადღება ჩვენი ქვეყნის მიმართ აშშ-ის პოლიტიკურ და პრაქტიკულ მხარდაჭერაზე გაამახვილა.
გენერალ-მაიორი ტომას კარდენი და დელეგაციის წევრები საქართველოს თავდაცვის ძალებში მიმდინარე რეფორმებსაც გაეცნენ და სამხედრო სფეროში სხვადასხვა მიმართულებით თანამშრომლობის მნიშვნელობა ხაზგასმით აღნიშნეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.