შინაგან საქმეთა მინისტრმა ავსტრიის რესპუბლიკის პოლიციის ატაშე მადლობის სიგელითა და მედლით დააჯილდოვა
23-12-2019, 18:38
შინაგან საქმეთა მინისტრმა ვახტანგ გომელაურმა საქართველოში ავსტრიის რესპუბლიკის შინაგან საქმეთა სამინისტროს მეკავშირე ოფიცერი, კარლჰაინც გორტანო ორი ქვეყნის შინაგან საქმეთა სამინისტროებს შორის თანამშრომლობის განვითარებაში შეტანილი წვლილისთვის მადლობის სიგელითა და საქართველოს შინაგან საქმეთა სამინისტროს მედლით - „განსაკუთრებული დამსახურებისთვის“ - დააჯილდოვა.
კარლჰაინც გორტანოს, რომელიც საქართველოში 2015 წლიდან არის მოვლენილი და თავის უფლებამოსილებას უახლოეს მომავალში დაასრულებს, განსაკუთრებული წვლილი მიუძღვის ორ ქვეყნას შორის მტკიცე და მეგობრული კავშირების ჩამოყალიბებაში.
აღსანიშნავია მისი უშუალო ჩართულობითა და მონაწილეობით ავსტრიული მხარისგან მიღებული მნიშვნელოვანი მხარდაჭერა, განსაკუთრებით შემდეგი მიმართულებებით: მასობრივ სპორტულ და კულტურულ ღონისძიებებზე უსაფრთხოების გაძლიერება, სათხილამურო პატრულის განვითარება, საგანგებო სიტუაციების მართვის სფეროს გაძლიერება.
კარლჰაინც გორტანოს საქართველოში საქმიანობის პერიოდში განსაკუთრებულად ეფექტიანი იყო საერთაშორისო სამართალდაცვით სფეროში ოპერატიული თანამშრომლობის ხარისხი. ასევე, აღსანიშნავია ავსტრიის რესპუბლიკის შინაგან საქმეთა სამინისტროს მეკავშირე ოფიცრის როლი და ჩართულობა საქართველოსა და ევროკავშირს შორის უვიზო რეჟიმის მდგრადობის უზრუნველყოფის პროცესში.
კომენტარები: 0
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.
ყველაზე კითხვადი
ბოლო სიახლეები
ამინდის პროგნოზი
ვალუტის კურსი