ჩრდილოეთ კორეის წესებით უნდათ, რომ საქართველო მართონ და ვერ ხვდებიან, რომ საქართველო ვერ გახდება ჩრდილოეთ კორეა, - განაცხადა „ტაბულას“ დამფუძნებელმა თამარ ჩერგოლეიშვილმა „ტვ პირველის“ ეთერში საუბრისას.

„ეს მიდრეკილებები ამ ხელისუფლებას სულ ჰქონდა, ეს ხომ ახალი არ არის... მანამდე ცდილობდა რაღაც შეურაცხყოფები ერეგულირებინა, რამდენიმე ინიციატივა იყო შეტანილი, უფრო მეტსაც გეტყვით, შორენა შავერდაშვილი, ია ანთაძე მედიაცენზურებად მოგვევლინენ მარეგულირებელში რაღაც უწყება შეიქმნა, რომელმაც მედია უნდა აკრიტიკოს. ჩრდილოეთ კორეის წესებით უნდათ, რომ საქართველო მართონ და ვერ ხვდებიან, რომ საქართველო ვერ გახდება ჩრდილოეთ კორეა ფიზიკურად, ქართველ ერს არ აქვს ამის უნარი, საბჭოთა კავშირის დროს ვერ იყო საქართველო ჩრდილოეთ კორეა ლამის. ამას რომ თავი დავანებოთ, საქართველოს ხელისუფლებამ მიიღო უდიდესი რეპუტაციული ზიანი,“ -აღნიშნა ჩერგოლეიშილმა.

მისი თქმით, მთავარი უბედურება, რაც ბიძინა ივანიშვილს დაემართა არის ის, რომ საქართველოს მთავრობა ამხილეს საქართველოს ინტერესების წინააღმდეგ მოქმედებაში.

„მთავარი უბედურება, რაც დაემართა ბიძინა ივანიშვილს, არის ის, რომ საქართველოს მთავრობა ამხილეს საქართველოს ინტერესების წინააღმდეგ მოქმედებაში. ქართული დემოკრატია რომ უნდა განვითარდეს, ეს ხომ არის საქართველოს ეროვნული ინტერესი, ამას „ქოცებიც“ აღიარებენ. „ქართული ოცნება“ ორგანიზებულად და კოორდინირებულად მოქმედებდა ქართული დემოკრატიის ძირგამოსათხრელად, ყველა იმ ღირებულებებს, რაზეც ლიბერალური დემოკრატია დგას, ისინი იყენებდნენ ოპონენტის წინააღმდეგ, ისინი იყენებდნენ ყველა იმ თემას, რასაც რუსული პროპაგანდა იყენებს და დღეს უკვე ექსპერტები იმაზე საუბრობენ, რომ დეზინფორმაცია არავის უკვირს, მაგრამ "ქართული ოცნება" აკეთებს იმას, რასაც აკეთებს მტრული სახელმწიფო“ , - განაცხადა თამარ ჩერგოლეიშვილმა.