საქართველოს თავდაცვის ძალების ოცეულები ნატოსა და ევროკავშირის ეგიდით მიმდინარე მისიებში ჩართვისთვის მზად არიან. ეროვნული გვარდიის ნაკრებმა ოცეულმა ცენტრალური აფრიკის რესპუბლიკაში ევროკავშირის ეგიდით მიმდინარე სამხედრო-საწვრთნელი მისიისთვის გადასროლისწინა მომზადება დღეს დაასრულა.
პოლონეთში დისლოცირებული ნატოს სამხედრო პოლიციის მრავალეროვნული ბატალიონის შემადგენლობაში ჩართვისთვის კი, წვრთნები გაიარა სამხედრო პოლიციის დასავლეთ ბატალიონის ოცეულმა. ქართული ოცეულების გადასროლისწინა მომზადების დასრულების ცერემონია ნატო-საქართველოს წვრთნებისა და შეფასების ცენტრში (JTEC) გაიმართა.
სამხედროებს სწავლების დასრულება წვრთნებისა და სამხედრო განათლების სარდალმა, პოლკოვნიკმა გრიგოლ ჭელიძემ და ეროვნული გვარდიის უფროსმა, პოლკოვნიკმა ირაკლი ჭუმბურიძემ მიულოცეს. ღონისძიების ფარგლებში კურსის უფროს ინსტრუქტორებსა და სამხედროებს მადლობის სიგელები გადაეცათ.
ეროვნული გვარდიისა და სამხედრო პოლიციის ოცეულებმა მისიებში ჩართვისთვის ექვსკვირიანი მომზადება გაიარეს და კონვენციური და არაკონვენციური ოპერაციების წარმოებისთვის საჭირო უნარ-ჩვევებს დაეუფლნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.