„ისინი მაგზავნიდნენ იქ, სადაც თავად სურდათ. მეცვა ის, რასაც ისინი მეუბნებოდნენ. ვიმეორებდი მათ თითოეულ წინადადებას. ისინი ჩემს ექსპლუატაციას ეწეოდნენ, როცა ამას საჭიროდ მიიჩნევდნენ“, – დაწერა სპორტსმენმა.

როგორც მან აღნიშნა, ირანის მთავრობა ერთდროულად ხარობდა მისი გამარჯვებებით და აკრიტიკებდა სპორტის ამ სახეობის არჩევისთვის.

„მათ ნებას რომ დავყოლოდი, შემეძლო მომეხვეჭა სიმდიდრე და ძალაუფლება, მაგრამ ზურგი ვაქციე მათ. ადამიანი ვარ და მინდა, კაცობრიობის ერთგული დავრჩე. ყველაფერი, რაც მე მინდა, ტაეკვანდოში ვარჯიში, უსაფრთხოება და ბედნიერი ცხოვრებაა“, – განაცხაა ალიზადემ.

მისი თქმით, ეს გადაწყვეტილება უფრო რთულია, ვიდრე ოლიმპიური მედლის მოპოვება. სპორტსმენი წერს, რომ ევროპაში გაემგზავრა, მაგრამ არ დაუზუსტებია – სად. 

2016 წელს ტაეკვანდოისტმა ალიზადემ ბრინჯაო მოიპოვა რიო დე ჟანეიროს ოლიმპიადაზე. ის არის პირველი და ჯერჯერობით ერთადერთი ირანელი სპორტსმენი ქალი, რომელსაც მედალი აქვს მოპოვებული ოლიმპიადაზე.