პირველი რესპუბლიკის მოედანზე 2020 წლის საახალწლო ღონისძიებების ბოლო, დასკვნითი კონცერტი გაიმართა, რომელსაც დედაქალაქის მერი კახა კალაძე მოადგილე სოფიო ხუნწარიასთან ერთად დაესწრო.
კახა კალაძემ მოსახლეობას კიდევ ერთხელ მიულოცა ახალი წელი და საახალწლო ღონისძიებები დასრულებულად გამოაცხადა.
„დღეს ჩვენი საახალწლო ღონისძიებები მთავრდება, ასევე, ჩვენი საახალწლო სოფელი, რომელიც მართლაც ულამაზესი იყო, იხურება. მადლობა მინდა გადავუხადო ყველა იმ ადამიანს, რომელიც ჩართული იყო ამ ღონისძიებების მოწყობაში; მადლობა მინდა გადავუხადო მედიას, რადგან ყოველდღიურად აშუქებდნენ ღონისძიებებს; მადლობა ყველა იმ ადამიანს, ვინც ესტუმრა ჩვენს დედაქალაქს და საახალწლო სოფელს. წელს მართლაც განსაკუთრებულად ლამაზი იყო ჩვენი ქალაქი. ძალიან დიდი მოწონება დაიმსახურა და უცხოურ მედიაშიც ბევრი პუბლიკაცია გამოქვეყნდა. ძველით ახალი წელი თენდება და მინდა ყველას ჯანმრთელობა, სიხარული, სიყვარული და ბედნიერება გისურვოთ. 2020 წელი ყოფილიყოს ისეთი, როგორსაც თითოეული თქვენგანი ინატრებდა“, - განაცხადა დედაქალაქის მერმა.
კონცერტზე ყველა ნომერი ცოცხლად, ბენდთან ერთად შესრულდა. ღონისძიებაზე წარმოდგენილი იყო გიორგი ცაბაძის, დავით თორაძის, გია ყანჩელის, ბიძინა კვერნაძის, რუსუდან მორჩილაძის კომპოზიციები, რომლებიც ქალაქურ ისტორიებს უკავშირდება.
კონცერტის სამხატვრო ხელმძღვანელი იყო რუსუდან მორჩილაძე; მონაწილეობდნენ ლელა წურწუმია, ნინო ქათამაძე, სტეფანე, სოფო ნიჟარაძე, ნატო მეტონიძე, დუეტი "ჯორჯია".
საახალწლო ისტორიები მაყურებელს წამყვანებმა - ბახვა ბრეგვაძემ, მანიკა ასათიანმა და თიკა ფაცაციამ უამბეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.