დედაქალაქისთვის მიმდინარე წელი განსაკუთრებული იქნება, რადგან ბიუჯეტის მოცულობა გაზრდილია და პროექტები, რომელიც განხორციელდება, თბილისელებისთვის თვალშისაცემი იქნება, - განაცხადა თბილისის მერმა, კახა კალაძემ მუნიციპალიტეტის მთავრობის დღევანდელ სხდომაზე და გასულ წელს განხორციელებული პროექტები შეაჯამა.
მისი თქმით, 2019 წელს გასულ წლებთან შედარებით, ორჯერ მეტი თანხა დაიხარჯა.
„მინდა გაგიზიაროთ 2019 წელს ინფრასტრუქტურის განვითარების საქალაქო სამსახურის მიერ განხორციელებული საქმიანობის შედეგები. დედაქალაქის ბიუჯეტიდან არსებული გზების რეაბილიტაციაზე და ახალი პროექტების განხორციელებაზე, დაახლოებით, 100 მლნ ლარი დაიხარჯა. თუ გადავხედავთ გასულ წლებს, ამ მიმართულებით ორჯერ მეტი თანხაა დახარჯული. ჩვენ დავიწყეთ ისეთი მსხვილი პროექტების განხორციელება, როგორიც არის ჭავჭავაძის გამზირის, კახეთის გზატკეცილის რეაბილიტაცია, ასევე, გლდანში ორი ცენტრალური ქუჩის რეაბილიტაცია; მუხრან მაჭავარიანისა და მარშალ გელოვანის დამაკავშირებელი ახალი გზის მშენებლობა; ისნის რაიონში, დავითაიას ქუჩისა და მთისძირის ქუჩის დამაკავშირებელი ახალი გზის მოწყობის სამუშაოები და როგორც გითხარით წლევანდელი წელი ამ კუთხით განსაკუთრებული იქნება“, - განაცხადა კალაძემ.
დედაქალაქის მერმა რამდენიმე გამზირისთვის რეაბილიტაციის ჩატარების აუცილებლობაზეც ისაუბრა.
„ეს არის ისნის რაიონში, ქეთევან დედოფლის გამზირის რეაბილიტაცია, რომელიც უმძიმეს მდგომარეობაშია; საბურთალოს რაიონში - ვაჟა-ფშაველას გამზირის რეაბილიტაცია, რომელიც ერთ-ერთი ცენტრალური ქუჩაა და რეაბილიტაციას საჭიროებს; დიდუბის რაიონში - აკაკი წერეთლის გამზირის რეაბილიტაცია; საბურთალოს რაიონში - მარშალ გელოვანის გამზირისა და მარჯვენა სანაპიროს გზაჯვარედინის მოწყობის სამუშაოები. კერძოდ, ვეფხვი და მოყმესთან გვსურს, გავაკეთოთ ერთმანეთთან დამაკავშირებელი გზები, გვირაბებითა და პანდუსებით, რათა შუქნიშანი საჭიროებას არ წარმოადგენდეს; ასევე, საბურთალოს რაიონში ბაგებისა და უნივერსიტეტის ქუჩის დამაკავშირებელი სამანქანო ხიდი გაკეთდება. დაახლოებით, იმ ადგილზე, სადაც ახლა საფეხმავლო ხიდია, იქვე ახლოს განხორციელდება აღიშნული პროექტი და ბაგები-საბურთალო ერთმანეთს საავტომობილო გზით დაუკავშირდება“, - განაცხადა კახა კალაძემ.
მისივე თქმით, ყველა პროექტის ერთად განხორციელება შეუძლებელია, რადგან ეს ქალაქში სრულ კოლაფსს გამოვიწვევს. შესაბამისად, მათი განხორციელების პერიოდები ისე გადანაწილდება, რომ სამუშაოებით გამოწვეული დისკომფორტი მოქალაქეებს შეუმსუბუქდეს.
თბილისის მერმა განაცხადა, რომ აღნიშნული სამუშაოების წარმოების გარეშე, ქალაქში გამართული ინფრასტრუქტურის შექმნა შეუძლებელი იქნება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.