საქართველოს ხელისუფლებამ კონგრესის კიდევ ორი წევრისგან კრიტიკული წერილი მიიღო. 

კონგრესმენი ბრაიან ბაბინი ფიქრობს, რომ ქვეყანაში დემოკრატიული ღირებულებები და ეკონომიკური მდგომარეობა გაუარესებულია, რის გამოც წუხილს გამოთქვამს.

„როგორც კონგრესის წევრი, ამ წერილს ვწერ საქართველოს, რათა ჩემი ხმა შევმატო მზარდ შეშფოთებას, რომელიც ისმის საქართველოს დემოკრატიული ღირებულებებიდან უკუსვლისა და ამასთან დაკავშირებული ეკონომიკური კეთილდღეობის გაუარესების გამო“, – წერს ბრაიან ბაბინი.

„საქართველოს კორუმპირებული მთავრობა ჩაერთო დემოკრატიულ ღირებულებებზე თავდასხმებში, სამოქალაქო დემონსტრანტების წინააღმდეგ სისასტიკესა და ანტაგონიზმში ამერიკული ინვესტიციების მიმართ, რომლებიც დაეხმარებოდა ორივე ქვეყანას. ქართველი ხალხი მეტს იმსახურებს“, – წერს კონგრესმენი.