„ლეიბორისტული პარტიის“ ლიდერი შალვა ნათელაშვილი ისრაელის საგანგებო და სრულუფლებიან ელჩს საქართველოში, რან გიდორს წერილით მიმართავს, სადაც აღნიშნავს, რომ მისთვის არასასიამოვნო იყო ელჩის პირველი საჯარო შეხვედრა „ქართული ოცნების“ თავმჯდომარის, ბიძინა ივანიშვილთან.

„პატივი მაქვს დავადასტურო უდიდესი პატივისცემა მოძმე ებრაელი ხალხისა და პირადად თქვენდამი. არ დაგიმალავთ, ძალიან არასასიამოვნო იყო თქვენი პირველი საჯარო შეხვედრა მმართველი პარტიის „ქართული ოცნების“ თავმჯდომარე, პროპუტინისტურ, მილიარდერ დიქტატორ ბიძინა ივანიშვილთან. იმედია, გესმით, ის, როგორც განწირული მტაცებელი ყველა ღონეს ხმარობს, რათა მიიღოს მსოფლიოში ავტორიტეტული ებრაული ლობების მხარდაჭერა, რასაც იმედია ერთად არ დაუშვებთ. ბატონო ელჩო, მე, და ყველა ჩემი კოლეგა დარწმუნებული ვართ ოპოზიციური სპექტრიდან ყოველთვის მზად ვართ თქვენთან და მეგობარ ისრაელთან თანამშრომლობისთვის. კიდევ ერთხელ გიდასტურებთ უდიდეს პატივისცემას”, - წერს ნათელაშვილი.