თბილისში, „დინამო არენაზე“ გამართული შეხვედრისას საქართველოს რაგბის ეროვნულმა ნაკრებმა რუმინეთის ნაკრები 41:13 დაამარცხა.

Georgian Rugby-ის ფოტოები

თამაშის პირველი ნახევარი ქართველების გამარჯვებით, მაგრამ ანგარიშის მინიმალური სხვაობით დასრულდა, თუმცა მატჩის მეორე ნახევარში „ბორჯღალოსნებმა“ შესანიშნავი და შემტევი თამაში აჩვენეს, არაერთი ლელო გაიტანეს და რუმინელების ნაკრები დიდი უპირატესობით, 41:13 დაამარცხეს.

დღემდე „ანთიმოზ ივერიელის“ თასი „ბორჯღალოსნებმა“ 12-ჯერ, ხოლო რუმინელებმა 6-ჯერ მოიგეს. 2011 წლიდან დღემდე, საქართველოს ნაკრები „ანთიმოზ ივერიელის სახელობის თასს“ რვაჯერ დაეუფლა, რუმინეთი კი ერთხელ.

„ბორჯღალოსნებს“ რუმინელებთან საშინაო მატჩი 2003 წლის შემდეგ არ წაუგიათ.