შერიგებისა და სამოქალაქო თანასწორობის საკითხებში სახელმწიფო მინისტრი სომხეთის უმაღლეს კომისარს დიასპორის საკითხებში ზარე სინანიანს შეხვდა.
ქეთევან ციხელაშვილმა ორმხრივ შეხვედრაზე საქართველოს მთავრობის სამოქალაქო ინტეგრაციის პოლიტიკასა და პრიორიტეტებზე ისაუბრა. ხაზი გაესვა იმ პროექტებსა და ღონისძიებებს, რომელიც ამ პოლიტიკის ფარგლებში ხორციელდება.
სახელმწიფო მინისტრმა აღნიშნა, რომ დადებითი ტენდენციები და პროგრესი გვაქვს ეთნიკური უმცირესობების საზოგადოებრივ სხვადასხვა სფეროში ჩართულობის კუთხით. შეხვედრაზე ხაზი გაესვა, რომ დღეს ჩვენ უკვე გვყავს ეთნიკური უმცირესობების წარმომადგენელი ახალგაზრდები, რომლებიც არამხოლოდ კარგად ფლობენ სახელმწიფო ენას, არამედ სხვადასხვა სფეროებში აქვთ მაღალი კომპეტენცია და მიღწევები.
ზარე სინანიანმა აღნიშნა, რომ საუკუნეების განმავლობაში საქართველოში ძალიან მეგობრულად ცხოვრობენ სხვადასხვა ეთნოსის წარმომადგენლები.
შეხვედრას ასევე ესწრებოდა სომხეთის რესპუბლიკის საგანგებო და სრულუფლებიანი ელჩი საქართველოში რუბენ სადოიანი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.