გარემოს დაცვისა და სოფლის მეურნეობის მინისტრი ლევან დავითაშვილი იტალიის სამეცნიერო -კვლევითი ცენტრის „FONDAZIONE EDMUND MACH“ გენერალურ დირექტორს, მარიო დელ გროსო დესტრერს შეხვდა.
შეხვედრაზე მხარეებმა ქვეყნებს შორის აგრარულ დარგში სამეცნიერო-კვლევითი და პროფესიული განათლების მიმართულებებით თანამშრომლობის საკითხები განიხილეს.
როგორც ლევან დავითაშვილმა განაცხადა, საქართველოსთვის აგრარული დარგის სპეციალისტების მომზადება აქტუალური საკითხია. შესაბამისად, ამ კუთხით იტალიის სამეცნიერო-კვლევით ცენტრთან თანამშრომლობა მნიშვნელოვანია.
შეხვედრაზე მინისტრმა მარიო დელ გროსო დესტრერს სოფლის მეურნეობის მიმართულებით არსებული მიღწევების შესახებ მიაწოდა ინფორმაცია და ყურადღება ექსტენციის სამსახურის მნიშვნელობაზე გაამახვილა.
გარემოს დაცვისა და სოფლის მეურნეობის სამინისტროში გამართულ შეხვედრას საქართველოს პარლამენტის მაჟორიტარი დეპუტატი დავით სონღულაშვილი, სოფლის მეურნეობის სამეცნიერო-კვლევითი ცენტრის დირექტორი ლევან უჯმაჯურიძე და ამავე ცენტრის მეხილეობა-მევენახეობის დეპარტამენტის უფროსი ზვიად ბობოქაშვილი ესწრებოდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.