33 ადამიანია დაღუპული და ათეულობით ზვავშია მოყოლილი თურქეთში მთის ფერდობზე მეორე ზვავის ჩამოწოლის შედეგად. დაახლოებით 300 მაშველი იმყოფება შემთხვევის ადგილას, ირანთან აღმოსავლეთ საზღვრის სიახლოვეს, სადაც სამშაბათს ჩამოწოლილმა ზვავმა 5 ადამიანის სიცოცხლე იმსხვერპლა.
როგორც BBC იუწყება, სავარაუდოდ 500-ზე მეტი ადამიანია სატრანსპორტო საშუალებაში მომწყვდეული იმ ტერიტორიაზე, სადაც ოთხშაბათს მეორე ზვავი ჩამოწვა.
საერთო ჯამში გარდაცვლილთა რაოდენობამ 38 შეადგინა. როგორც BBC თურქულ გაზეთ Hurriyet-ზე დაყრდნობით იუწყება, ვანის პროვინციის გუბერნატორმა მეჰმეტ ემინ ბილზენმა განაცხადა, რომ სამოქალაქო პირების გარდა დაღუპულთა შორის პოლიციის ოფიცრები, დაცვის სამსახურის წარმომადგენლები და მეხანძრე-მაშველები არიან.
სამძებრო-სამაშველო სამუშაოები ისევ მიმდინარეობს. თურქეთის შინაგან საქმეთა სამინისტროს ცნობით, ამ დროისთვის თოვლიდან 30 ადამიანია ამოყვანილი.
გარდაცვლილთა და დაზიანებამიღებულთა რიცხვი შესაძლოა კიდევ უფრო გაიზარდოს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.