ნაძალადევის რაიონში, სამღერეთის ქუჩა N5-ში სკვერი მოეწყობა. სამუშაოები 1 850 კვ.მ ფართობზე შესრულდება.
პროექტის ფარგლებში, კაუჩუკისსაფარიან მოედანზე საბავშვო ატრაქციონები დამონტაჟდება; დაითესება ბალახი, მოეწყობა განათების ქსელი, სარწყავი სისტემა, დასასვენებელი პავილიონი, დამცავი მოაჯირი და ბორდიური; ტერიტორია ფილებით მოპირკეთდება, განთავსდება ურნები და საპარკე სკამები.
პროექტის დეტალები ნაძალადევის რაიონის გამგებელმა, ირაკლი ხელაძემ თბილისის საკრებულოს მაჟორიტარ დეპუტატ დავით ჭელიძესთან ერთად ადგილობრივ მოსახლეობას გააცნო.
„ამ ტერიტორიას ახლა სკვერს ვერც ვუწოდებთ, იმდენად არის დაზიანებული ინფრასტრუქტურა. ადგილობრივებს, ფაქტობრივად, არ აქვთ ნორმალური დასასვენებელი სივრცე. შევხვდით მოსახლეობას და სრული ინფორმაცია მივაწოდეთ დაგეგმილი სამუშაოების შესახებ. ასეთი ტიპის პროექტების განხორციელებისას მნიშვნელოვანია მოქალაქეების ჩართულობა. სკვერის მოწყობა რამდენიმე დღეში დაიწყება და ახლო მომავალში ლოტკინის მოსახლეობას კიდევ ერთი კეთილმოწყობილი სივრცე ექნება“, - განაცხადა ირაკლი ხელაძემ.
სამღერეთის ქუჩაზე დასასვენებელი სივრცის მოწყობისთვის ნაძალადევის რაიონის გამგეობა 156 000-მდე ლარს დახარჯავს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.