თბილისის ყოფილ მერთან, გიგი უგულავასთან დაკავშირებულ, თბილისის განვითარების ფონდის საქმეზე უზენაესი სასამართლო გადაწყვეტილებას დღეს გამოაცხადებს.
გიგი უგულავას ადვოკატის, ბექა ბასილაიას განცხადებით, ეს საქმე ზეპირი მოსმენის გარეშე ჩაინიშნა და დაცვის მხარეს არგუმენტაციის წარდგენის შესაძლებლობა არ აქვს. მან ასევე აღნიშნა, რომ პოზიტიური მოლოდინი არ აქვს.
„ვხედავთ, ბოლო პერიოდში როგორ გამძაფრდა პოლიტიკური დევნა, როგორც პოლიტიკური ოპონენტების, ასევე მედიაპერსონების წინააღმდეგ. ამას წინ უძღოდა ბიძინა ივანიშვილის განცხადება, რომ დაჭერები გაგრძელდება და რომ კიდევ ბევრი მოხვდება საპატიმრო დაწესებულებაში. ჩვენ გვახსოვს 2-3 თვის წინ გიგი უგულავაზე თავდასხმა, სადაც დაზარალებულად ცნობის ნაცვლად თავად გიგი ცნეს ბრალდებულად. გვახსოვს, ბოლო პერიოდში როგორ გამძაფრდა და გააქტიურდა გიორგი კაპანაძის ცრუ ბრალდების პროვოკაციის საქმე, ეს ეხება ლეგალიზაციის ფაქტს, რაზეც პროკურატურა დავობს, თითქოსდა, ლეგალიზაციას ჰქონდა ადგილი და ეს არის ცრუ ბრალდება. ასევე გვახსოვს „ქართული ოცნების“ წარმომადგენელთა განცხადებები, მათ შორის თბილისის მერის ცრუ განცხადებები გიგისთან დაკავშირებით. ეს ყველაფერი უნდა დავინახოთ ერთიან კონტექსტში და მოცემულ საქმეზე მისაღები გადაწყვეტილების მიმართ ჩვენ გვაქვს ნეგატიური მოლოდინი“, - აცხადებს ადვოკატი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.