ყაზბეგის გამზირის N27-ის მიმდებარედ არსებული სკვერის სრული რეაბილიტაცია დაიწყო. პროექტი საბურთალოს რაიონის გამგეობასა და ჩეხეთის რესპუბლიკის დედაქალაქის მუნიციპალიტეტ პრაღა 3-ს შორის გაფორმებული მემორანდუმის ფარგლებში ხორციელდება.
სარეაბილიტაციო სამუშაოები 2 400 კვ.მ ფართობზე ჩატარდება, სადაც საბავშვო გასართობი მოედანი მოეწყობა და ეკოლოგიურად სუფთა მასალისგან დამზადებული ატრაქციონები დამონტაჟდება; მოეწყობა საფეხმავლო ბილიკები, LED განათების სისტემა და საპარკე სკამები დამონტაჟდება, რომელზეც ცნობილი მწერლის, ფრანც კაფკას წიგნის ილუსტრაციები იქნება გამოსახული; ტერიტორიაზე ჩატარდება გამწვანების სამუშაოები და სეზონური ყვავილებით საქართველოსა და პრაღის დროშები გამოისახება.
მიმდინარე სამუშაოებს საბურთალოს რაიონის გამგებელი გაიოზ ვასაძე და საკრებულოს მაჟორიტარი დეპუტატი დავით უთმელიძე გაეცნენ.
„პრაღასთან დამეგობრების შემდეგ, პირველი პროექტი, რომლის განხორციელებაც საბურთალოს რაიონში დავიწყეთ, ყაზბეგის გამზირზე არსებული სკვერის რეაბილიტაციაა. რაიონში ეს ყველაზე განსხვავებული სივრცე იქნება, სადაც პრაღისთვის დამახასიათებელი სიმბოლოები განთავსდება. პროექტის დასრულების შემდეგ, ჩვენს რაიონს კიდევ ერთი თანამედროვე, ულამაზესი და გამწვანებული სივრცე შეემატება“, - განაცხადა გაიოზ ვასაძემ.
სამუშაოებს საბურთალოს გამგეობის დაკვეთით, კომპანია „გრინსერვისი+“ ასრულებს, რისთვისაც ადგილობრივი ბიუჯეტიდან 400 595 ლარია გამოყოფილი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.