საპარლამენტო უმრავლესობის ლიდერმა მამუკა მდინარაძემ პარლამენტში, იურიდიულ საკითხთა კომიტეტის სხდომაზე ოპოზიციონერ დეპუტატთა მიერ გამართულ პერფორმანსთან დაკავშირებით განაცხადა, რომ სხვისი საქციელის გამო შერცხვა.
„ხომ გქონიათ ყველას მომენტი, როცა გრცხვენია სხვისი მოქმედების და მე მაგალითად ეს მომენტი მქონდა. სახის დაკარგვის რაღაც კონკრეტული მაგალითები ბევრი ვნახეთ, მაგრამ ეს ერთ-ერთი განსაკუთრებული იყო. გულწრფელად გეუბნებით, დღეს სხვის მაგივრად მე მრცხვენოდა. ეს სხვები იყვნენ ქალბატონები, ვინც ეს პერფორმანსი დადგეს. მე მგონია, ამის იქით კომენტარიც არ უნდა გავაკეთოთ. ამ კადრებს შეიძლება ჩვეულებრივად უკომენტაროდ დაეწეროს“ ,- განაცხადა მამუკა მდინარაძემ.
იურიდიული კომიტეტის სხდომაზე ოპოზიციონერმა დეპუტატებმა პერფორმანსი მოაწყვეს.
პარლამენტის იურიდიულ საკითხთა კომიტეტის სხდომაზე დღეს გენერალური პროკურორობის კანდიდატს, ირაკლი შოთაძეს უსმენენ, შემდეგ კი მის კანდიდატურას კენჭს სესიაზე უყრიან.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.