იმედის გამოვთქვამ, რომ ღვთისმშობლის წილხვედრ ქვეყანას ღმერთი დაიფარავს, როგორც ადრე და ეს ყველაფერი ჩაივლის უპრობლემოდ, ჩვენ გავაგრძელებთ ჩვეულებრივ ბრძოლას, – განაცხადა „ლეიბორისტული პარტიის“ ლიდერმა, შალვა ნათელაშვილმა დღეს გამართულ პრესკონფერენციაზე.

როგორც მან აღნიშნა, კოროვანირუსი არის ჩვეულებრივი გრიპი და სასიკვდილო შედეგები ისეთივეა, როგორიც ჩვეულებრივ გრიპში.

„ხელისუფლებამ სამწუხაროდ კიდევ ერთხელ გაწირა ხალხი, არაერთგზის მოწოდებისა მან არ დაკეტა საზღვარი ირანთან, შედეგად კორონავირუსი უკვე საქართველოშია. გათვლა ძალიან მარტივი გახლავთ, გადაიტანონ ხალხის ყურადღება რეჟიმის შეცვლიდან, აქტიური საპროტესტო აქციებიდან და მიტინგებიდან სასიკვდილო ინფექციაზე. ვარწმუნებ ივანიშვილის რეჟიმს, ვერანაირი ვირუსომანია მათ ვერ გადაარჩენს, ახლა მაინც კეთილი ინებეთ, დაურიგეთ მოსახლეობას პირბადეები, შეწყვიტეთ სწავლა, სამწუხაროა, როდესაც ელემენტარულ ჭეშმარიტებებზე გვჭირდება ბრიფინგები, რომ სასიკვდილო ვირუსი მაინც გააჩერო. ეს პროპორციული არჩევნები ხომ არ არის, არაფერი არ უნდოდა. ყველა ქვეყანამ, მათ შორის რუსეთმაც კიდაკეტა საზღვარი ჩინეთთან, ირანთან, სამხრეთ კორეასთან და ყველა იმ რეგიონში, სადაც ეს ვირუსი წარმოიშვა. ჩვენი ხალხი პანიკიორი არ გახლავთ. მინდა კიდევ აღვნიშნო, რომ ეს ვირუსი გახლავთ ჩვეულებრივი გრიპი, სასიკვდილო შედეგები ისეთივეა, როგორც ჩვეულებრივ გრიპში, აქედან გამომდინარე, ჩვენ მოსაცილებელი გვყავს მთავარი ვირუსი, მისი გვარია ივანიშვილი, ბიძინოვირუსი, სწორედ ეს ვირუსი უნდა მოვიცილოთ, რის შემდეგაც ნებისმიერი ინფექციური დაავადება ვერაფერს ვეღარ შემოგვბედავს“, – განაცხადა შალვა ნათელაშვილმა.

მან ასევე აღნიშნა, რომ კორონავირუსის ფონზე ოპოზიციის აქციას საფრთხე არ ემუქრება, რადგან 4 აპრილამდე პიკი ჩაივლის.