უმაღლესი განათლებისა და მეცნიერების რეფორმის ფარგლებში საქართველოს განათლების მეცნიერების, კულტურისა და სპორტის მინისტრის მოადგილე ნუნუ მიცკევიჩმა მინისტრთან არსებული მეცნიერთა საკონსულტაციო ჯგუფის ჩამოყალიბების მიზნით უნივერსიტეტებისა და სამეცნიერო-კვლევითი დაწესებულებების წარმომადგენლებთან სამუშაო შეხვედრა გამართა.
შეხვედრაზე მინისტრის მოადგილე მეცნიერებს იმ გამოწვევების შესახებ ესაუბრა, რომლის წინაშეც უმაღლესი განათლება და მეცნიერება დგას. მისი თქმით, გადაუდებელ ამოცანას პრიორიტეტული დარგების განსაზღვრა წარმოადგენს, რაც ქვეყნის ეკონომიკური მდგრადობისა და უსაფრთხოების გათვალისწინებით უნდა მოხდეს. ნუნუ მიცკევიჩმა ხაზგასმით აღნიშნა არსებულ მოცემულობაში მეცნიერთა საკონსულტაციო ჯგუფის ჩამოყალიბების აუცილებლობა, რომელიც მეცნიერების პოლიტიკის შემუშავებაში აქტიურად მიიღებს მონაწილეობას.
შეხვედრაზე, რომელიც დისკუსიის რეჟიმში წარიმართა, მხარეებმა ისეთი მნიშვნელოვანი საკითხები განიხილეს, როგორებიცაა: სამეცნიერო-კვლევითი დაწესებულებების საქმიანობის შედეგების ზუსტი ინდიკატორებით განსაზღვრის აუცილებლობა და ამის საფუძველზე მათი კლასტერული გადალაგება, ეროვნული საგრანტო კონკურსების ეფექტურობის გაზრდა, მეცნიერთა კორპუსის გაახალგაზრდავება და პოსტდოქტორანტურის სამართლებრივი სტატუსის დაზუსტება და გაფართოება, სადოქტორო სკოლის გაძლიერება სამეცნიერო-კვლევითი ინსტიტუტების ჩართულობით და სხვა.
გარდა ამისა, ნუნუ მიცკევიჩმა მეცნიერებს ევროკავშირის მომდევნო ჩარჩო პროგრამის Horizon Europe-ისა და იმ მექანიზმების შესახებ ესაუბრა, რომლებიც საქართველოს უნივერსიტეტებისა და სამეცნიერო-კვლევითი დაწესებულებების ამ პროგრამაში მონაწილეობის წარმატების მაჩვენებელს გაზრდის.
მხარეებმა მეცნიერების განვითარების პოლიტიკის დასაგეგმად მომდევნო შეხვედრების ფორმატიც განსაზღვრეს, რაც მეცნიერთა საკონსულტაციო ჯგუფის შესაბამისი დებულებით განისაზღვრება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.