საქართველოს პარლამენტის თავმჯდომარე არჩილ თალაკვაძე შვედეთის, ნორვეგიის, ესტონეთის, ლიეტუვისა და ლატვიის საგანგებო და სრულუფლებიან ელჩებს შეხვდა.
შეხვედრაზე პარლამენტის თავმჯდომარემ ელჩებთან პარლამენტის პრიორიტეტებზე და მთავარ პოლიტიკურ საკითხებზე, მათ შორის ოპოზიციასთან მიღწეულ შეთანხმებაზე და შემოდგომაზე დაგეგმილ საპარლამენტო არჩევნებზეც ისაუბრა.
არჩილ თალაკვაძემ ხაზგასმით აღნიშნა, რომ ქვეყანა აგრძელებს დემოკრატიის გაძლიერებას და დემოკრატიული რეფორმების განხორციელებას, რომელიც მიზნად ისახავს მიღწევების კონსოლიდაციას და საქართველოს გრძელვადიანი სტაბილურობის უზრუნველყოფას.
შეხვედრაზე განხილვის ერთ-ერთი მთავარი საკითხი საქართველოს ოკუპირებულ ტერიტორიებზე არსებული ვითარება და ხელისუფლების სამშვიდობო ინიციატივა იყო.
პარლამენტის თავმჯდომარემ ნორდიკულ-ბალტიკური რვიანის წევრ ქვეყნებთან შემდგომი თანამშრომლობის გაღრმავებისთვის მზადყოფნა დაადასტურა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.