„ლეიბორისტული პარტიის“ ლიდერი შალვა ნათელაშვილი მთავრობას საბანკო ამნისტიის გამოცხადებისკენ მოუწოდებს.

„ისედაც განადგურებულ ქართულ ეკონომიკასა და სოციალურ სფეროს პიკზე აიყვანს სიღატაკის კოეფიციენტს, ამისათვის საჭიროა აქტიური სახელმწიფოებრივი ნაბიჯები და შედეგიც გადარჩენისა არ დააყოვნებს. სასწრაფოდ გამოცხადდეს საბანკო ამნისტია მოქალაქეებზე საშუალო და წვრილ ბიზნესზე, დაუყოვნებლივ დადგინდეს ზღვრული ფასები საკვებ პროდუქტებზე და წამლებზე, აი, ეს სამი კომპონენტი საქართველოს მიმდინარე ურთულესი მსოფლიო პროცესიდან გამოიყვანს უდანაკარგოდ და ეს ვირუსი ძალიან მალე ჩაივლის, ხოლო ჩვენ შეიძლება უკეთესი განვითარების ტემპები დაგვეწყოს და რაც მთავარია, უამრავ ადამიანს, ბიზნესმენს გადავარჩენთ გაკოტრების, სასოწარკვეთის, ქვეყნიდან გაქცევის და სხვა იმ დიდი პრობლემებისგან, რაც არაერთხელ გადავიტანეთ და რომ არ მოეჩვენოს ეს ვიღაცას რევოლუციურ მოწოდებად, შეგახსენებთ, რომ გასული წელი საქართველოს ბანკებმა დაამთავრეს მილიარიანი მოგებით, ხოლო 2012 წლის შემდეგ ბიძინა ივანიშვილის ქართუ ბანკმა 500%-იანი მოგება მიიღო და 2 მილიარდს ასცდა მისი შემოსავალი და რა თქმა უნდა, ნონსენსია, როდესაც ღარიბ, გაუბედურებულ ქვეყანაში ყველა კოტრდება, ყველა გარბის, ყველა კვდება, ყველა დეპრესიაში ვარდება და მარტო ბანკები იღებენ მოგებას, ეს ნიშნავს იმას, რომ ვართ ივანიშვილისგან დაწესებული კლასიკური საბანკო ყაჩაღობის მსხვერპლი და ასე გაგრძელება აუცილებლად დამთავრდება იმით, რომ ერთ მშვენიერ დღეს მგელი შეგვჭამს, ეს მგელი კორონავირუსი იქნება, ღორის გრიპი თუ ებოლა, სულ სხვა ამბავია, ფაქტია, რომ ვართ სუსტები იმის გამო, რომ არ გაძღა ბანკების მუცელი“ , - განაცხადა შალვა ნათელაშვილმა.