დიდ ბრიტანეთში კორონავირუსით გარდაცვალებულთა რაოდენობა ერთ დღეში თითქმის გაორმაგდა და 11-დან 21-ამდე გაიზარდა. ასევე მკვეთრად იმატა ინფიცირებულთა რაოდენობამ - 798-დან 1 140-ამდე. დაღუპულთა ასეთი მკვეთრი ზრდა მას შემდეგ დაფიქსირდა, რაც 10 ადამიანი, რომელთაც ტესტირებისას პოზიტიური შედეგი აჩვენეს, გარდაიცვალა.
ყველა გარდაცვლილი პაციენტი „რისკის ქვეშ“ მყოფი ჯგუფიდან იყო, რომელთაც კორონავირუსი უფრო ადვილად ერევა, განაცხადა დიდი ბრიტანეთის მთავარი სამედიცინო ოფიცერმა, ქრის უიტიმ.
ქვეყანა მომავალი კვირიდან მასობრივ შეკრებებს კრძალავს.
პრემიერ მინისტრი ბორის ჯონსონი ჯანდაცვის ექსპერტების მხრიდან კრიტიკის ქვეშ მოექცა ახალი კორონავირუსის აფეთქების წინააღმდეგ უფრო მკაცრი ზომების არგატარებისა და ინფექციასთან ხანგრძლივი პერიოდით ბრძოლის გეგმის არქონის გამო.
ესპანეთი კი ევროპაში მეორე სახელმწიფო გახდა იტალიის შემდეგ, რომელმაც ახალი კორონავირუსის შეკავების მიზნით, მთელი ქვეყნის მასშტაბით საგანგებო მდგომარეობა გამოაცხადა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.