საფრანგეთში სამშაბათ შუადღიდან მთელი ქვეყნის მასშტაბით იძულებით კარანტინი ცხადდება. აღნიშნულის შესახებ ქვეყნის პრეზიდენტმა ემანუელ მაკრონმა ერისადმი სატელვიზიო მიმართვისას განაცხადა.

ყველა მობინადრე სახლში უნდა დარჩეს და მხოლოდ გადაუდებელი საჭიროებისას შეეძლება სახლის დატოვება.

მაკრონის განცხადებით, გადაადგილება ძალიან მკაცრად იქნება შეზღუდული.

„ჩვენ ვართ ომში“, რამდენჯერმე გაიმეორა პრეზიდენტმა მაკრონმა.

მთავარი დეტალები:

ყველა არასაჭირო გადაადგილება აიკრძაკლება სამშაბათ შუადღიდან მომდევნო 15 დღის განმავლობაში;

მობინადრეები უნდა დარჩნენ შინ;

ისინი, ვინც რეგულაციებს დაარღვევენ, დაისჯებიან;

საავადმყოფოებში ინფიცირებულთა ტრანსპორტირებისთვის არმია იქნება გამოყენებული;

გამოყენებული იქნება გერმანიის საზღვართან ახლოს მდებარე სამხედრო ჰოსპიტალი;

საზღვრები დაიკეტება ევროპის კავშირის ქვეყნებთან შეთანხმებით;

ადგილობრივი არჩევნების მეორე ტურები გადაიდება;

იტალიის და ესპანეთის შემდეგ, ახალი კორონავირუსით ინფიცირებულთა მკვეთრი ზრდა გამოვლინდა საფრანგეთში. ჯანდაცვის მინისტრმა ოლივერ ვერანმა კვირა საღამოს „France 2“-ს უთხრა, რომ ქვეყნის მასშტაბით დაახლოებით 5 400 შემთხვევაა დადასტურებული, მათგან თითქმის 1 000-ზე მეტი მხოლოდ შაბათს.

კვირა საღამოს მონაცემებით, საფრანგეთში გაზრდილია ვირუსთან დაკავშირებული სიკვდილიანობაც და ბოლო 24 საათის განმავლობაში ახალი კორონავირუსით გარდაცვლილთა რაოდენობა 91-დან 120-ამდე გაიზარდა.