საქართველოს მთავრობის გადაწყვეტილებით, ჟურნალისტების უსაფრთხოებიდან გამომდინარე, მთავრობის ადმინისტრაცია გადადის მუშაობის განსხვავებულ რეჟიმზე და ტელეკომპანიებს „პირველი არხის“ საერთო სიგნალის საშუალებით მიეწოდებათ ვიდეო განცხადებები.

აღნიშნულის შესახებ მთავრობის სპიკერმა, ირაკლი ჩიქოვანმა განაცხადა.

„იმისათვის, რომ უზრუნველვყოთ თქვენი დაცულობა, საქართველოს მთავრობის ადმინისტრაცია გადადის განსხვავებულ რეჟიმზე ბრიფინგების ტრანსლირებისა. აქვე მინდა ვისარგებლო შემთხვევით და მადლობა გადავუხადო „პირველ არხს“, „საზოგადოებრივ მაუწყებელს“ იმისათვის, რომ თითოეულ მაუწყებელს მიაწოდოს საერთო სიგნალი და თქვენ გექნებათ საშუალება წინასწარ მოაწოდოთ შეკითხვები ჩვენს პრესსამსახურს, რომელზეც ჩვენ მოგაწვდით ამომწურავ ინფორმაციას. რა თქმა უნდა, გვესმის, რომ ეს საქმიანობა მოითხოვს ოპერატიულობას და ოპერატიულ რეჟიმში შეიქმნება ასევე ოპერატიული პლატფორმა და ჩვენ მზად ვართ ნებისმიერ თქვენ შეკითხვას ვუპასუხოთ“, უთხრა ირაკლი ჩიქოვანმა ჟურნალისტებს.