პროფესორი, ეკონომისტი მიხეილ ჯიბუტი მიიჩნევს, რომ ლარის კურსის შესანარჩუნებლად სავალუტო ინტერვენციები (აშშ დოლარის გაყიდვა სებ-ის მიერ) სავალუტო რეზერვების უშედეგო ხარჯვაა, თუ არ მოხდა სახელმწიფო ბიუჯეტის ძირეული გადახედვა საგანგებო მდგომარეობის გამოწვევების შესაბამისად და საგანგებო ბიუჯეტის მიღება.

„საგანგებო ბიუჯეტმა მხოლოდ პროგრამული დაფინანსება უნდა განახორციელოს. მთავრობამ კონცენტრაცია უნდა მოახდინოს მიმართულებით:

1.კორონავირუსის ინფექცის შეჩერება, შემცირება, მოსპობა;

2. სასურსათო უსაფრთხოების უზრუნველყოფა: სურსათის ფიზიკური და ეკონომიკური ხელმისაწვდომობა და ამ ამოცანიდან გამომდინარე სხვა აქტივობები;

3.ელექტრონული მთავრობის ფუნქციონირების სისტემის სრულყოფა , ქვეყნის ინტერნეტიზაციის გაზრდა და კიბერუსაფრთხოების სისტემის შექმნა (ეს უკანასკნელი 2019 წლის შემოდგომის გამოცდილების ფონზე ზეაქტუალურია - მით უმეტეს „შინმჯდომი საზოგადოების“ დროს);

4. ეკონომიკური პოლიტიკის კორექტირება მინიმუმ ორვარიანტიანი სცენარისთვის (პირველი-ეკონომიკური ზრდის შემცირების შეკავება, მეორე - ეკონომიკური კრიზისის დაძლევა - ეს უკანასკნელი საგანგებო მდგომარეობის ერთთვიან პერიოდს არ ეხება)“, აცხადებს მიხეილ ჯიბუტი.