საქართველოს თავდაცვის ძალების სამხედრო პოლიციის დეპარტამენტის აღმოსავლეთ ბატალიონი მარნეულისა და ბოლნისის მუნიციპალიტეტების მკაცრ საკარანტინო ზონაში თავდაცვის ძალებისა და შინაგან საქმეთა სამინისტროს წარმომადგენლების მხარდასაჭერად აქტიურად არის ჩართული საპრევენციო ღონისძიებებში.
სამხედრო პოლიციელები მარნეულის საავიაციო ბაზას, მიმდებარე ტერიტორიასა და საკონტროლო გამშვებ პუნქტებს რეგულარულად აკონტროლებენ. ისინი საკონტროლო გამშვებ პუნქტებზე მოქალაქეების გადაადგილებას მკაცრად ამოწმებენ. მონიტორინგის პროცესში გამოიყენება უახლესი ტექნიკური საშუალებები, მათ შორის, ხორციელდება ტერიტორიის „დრონით“ შესწავლა. სისტემატურად მოწმდება ბაზის ტერიტორიაზე არსებული სამხედრო ქალაქის მცხოვრებ სამხედრო და სამოქალაქო პირთა ჯანმრთელობის მდგომარეობა, მკაცრად კონტროლდება მათი ტერიტორიაზე გადაადგილება.
სამხედრო პოლიციის საქმიანობის დეტალური ანგარიშის განხილვა მარნეულის საავიაციო ბაზაზე თავდაცვის ძალების აღმოსავლეთ სარდლობის მიერ მოწყობილ შტაბში ყოველდღიურად ხდება.
მთავრობის საკოორდინაციო საბჭოს გადაწყვეტილებით, ბოლნისისა და მარნეულის მკაცრ საკარანტინო რეჟიმზე გადასვლასთან დაკავშირებით, საქართველოს თავდაცვის ძალები კორონავირუსის გავრცელების საპრევენციო ღონისძიებებში 23 მარტიდან ჩაერთო. თავდაცვის ძალები შინაგან საქმეთა სამინისტროსთან და უსაფრთხოების სამსახურთან სრულ კოორდინაციაში საკარანტინო შეზღუდვებს საგანგებო რეჟიმში აკონტროლებენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.