იტალიაში ბოლო 24 საათში კორონავირუსით 969 ადამიანი გარდაიცვალა, რამაც დაღუპულთა საერთო რაოდენობა 9,134-ამდე გაზარდა, ინფიცირებულთა ახალმა შემთხვევებმა კი 4,401 შეადგინა და ახლა იტალიაში უკვე კორონავირუსის 66,414 დადასტურებული შემთხვევაა გამოვლენილი.
დიდ ბრიტანეთში ბოლო 24 საათში მკვეთრად, 181-ით გაიზარდა სიკვდილიანობის მაჩვენებელი, რაც 31%-იანი ზრდაა და დღემდე ყველაზე მაღალი, საერთო ჯამში კი იქ უკვე 759 ადამიანია გარდაცვლილი. ტესტირებისას დადებითი შედეგი 14,579 ადამიანს დაუდგინდა.
BBC-ის ცნობით, ინგლისში, გარდაცვლილი პაციენტების ასაკობრივი ზღვარი 29-დან 98 წლამდე მერყეობდა. ყველას, გარდა 4 პაციენტისა, რომლებიც 82-დან 91 წლამდე ასაკის იყო, ჯანმრთელობის თანმდევი პრობლემები ჰქონდა.
დიდი ბრიტანეთი კორონავირუსით სიკვდილიანობის მიხედვით მე-7 ადგილზეა მსოფლიოში - იტალიის, ესპანეთის, ჩინეთის, ირანის, საფრანგეთის და ამერიკის შეერთებული შტატებისნ შემდეგ - ამ უკანასკნელმა კი ინფიცირებულთა რაოდენობით უკვე ჩინეთს გადააჭარბა და მსოფლიოში ამ მხრივ პირველ ადგილზე მყოფი ქვეყანა გახდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.