კორონავირუსი, სამწუხაროდ, ყველა ასაკის პაციენტს ეხება, ნუ გვგონია, რომ ეს ვირუსი არის მხოლოდ მოხუცების დაავადება, რადგან ამას შევყავართ ძალიან დიდ შეცდომაში, - განაცხადა „ტვ პირველის“ ეთერში პარიზში მოღვაწე ქართველმა ექიმმა, სოფიო ბერუაშვილმა.

„რაც შეეხება მკურნალობას, რისკ-ჯგუფი ყველასთვის ცნობილია, რაც უფრო ასაკოვანია პაციენტი და რაც უფრო მეტი ქრონიკული დაავადება აქვს, მით მეტად არის მაღალი რისკის მატარებელი. ჩვენთან ჰოსპიტირებული პაციენტების 50% არის 70 წელს გადაცილებული, მაგრამ არ უნდა დავივიწყოთ ის 50%, რომელსაც 70 წელს ქვემოთ პაციენტები შეადგენენ, დაახლოებით 20% მოდის 40-სა და 50 წელს შორის. მაგრამ გარდაიცვალა 11 წლის მოზარდიც, რომელიც არანაირი რისკ-ჯგუფის მატარებელი არ იყო, მას არანაირი დაავადება არ ჰქონია, მისი მდგომარეობა 24 საათში დამძიმდა“ , - განაცხადა ექიმმა.