ჩვენ სრულად ვუჭერთ მხარს საქართველოს ევროპულ პერსპექტივას და ნატო-ში გაწევრიანების მისწრაფებას, - ამის შესახებ ალბანეთის პარლამენტის თავმჯდომარემ, ილირ მეტამ, საქართველოს პრემიერ-მინისტრ ირაკლი ღარიბაშვილთან შეხვედრის შემდეგ განაცხადა.
შეხვედრაზე საუბარი შეეხო საქართველოს ევროპულ და ევროატლანტიკურ მისწრაფებებს, ნატო-საქართველოს არსებითი პაკეტისა და ევროკავშირთან ასოცირების ხელშეკრულების ეფექტური იმპლემენტაციის მნიშვნელობას.
მხარეებმა ასევე განიხილეს ორ ქვეყანას შორის ენერგეტიკის და ტრანსპორტის სფეროში თანამშრომლობის გაღრმავების პერსპექტივები და საქართველოს საინვესტიციო პოტენციალი.
შეხვედრაზე ხაზი გაესვა იუსტიციის სფეროში აქტიურ თანამშრომლობას და ორი ქვეყნის იუსტიციის სამინისტროებს შორის გაფორმებულ მემორანდუმს, რომელიც წარმატებული რეფორმების გაზიარებას ისახავს მიზნად.
ალბანეთის პარლამენტის თავმჯდომარემ პრემიერ-მინისტრს საქართველოს ტერიტორიული მთლიანობისა და სუვერენიტეტისადმი ურყევი მხარდაჭერა კიდევ ერთხელ დაუდასტურა.
„ჩემთვის დიდი პატივი იყო საქართველოს პრემიერ-მინისტრთან შეხვედრა. ჩვენ სრულად ვუჭერთ მხარს საქართველოს ევროპულ პერსპექტივას და მისწრაფებას, გაწევრიანდეს ნატოში. განვიხილეთ ჩვენს ქვეყნებს შორის სავაჭრო-ეკონომიკური თანამშრომლობის გაფართოება. პრემიერ-მინისტრს კიდევ ერთხელ დავუდასტურე ალბანეთის ძალიან მტკიცე პოზიცია საქართველოს ტერიტორიული მთლიანობისა და სუვერენიტეტის მხარდაჭერის შესახებ“, - განაცხადა ილირ მეტამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.