„მინდა ჩემი გულწრფელი მადლობა გამოვხატო იმ ნატოელი პარტნიორებისა და მინისტრების მიმართ, რომლებმაც დღეს, როდესაც მთელი მსოფლიოს წინაშე ასეთი სიმწვავით დგას პანდემია, მიიღეს უმნიუშვნელოვანესი გადაწყვეტილება შავი ზღვის უსაფრთხოების კონტექსტში საქართველოსა და უკრაინის მხადრაჭერის ახალი ზომების შესახებ“ - განაცხადა საქართველოს საგარეო საქმეთა მინისტრმა დავით ზალკალიანმა საზოგადოებრივი მაუწყებლის პირდაპირ ეთერში.
მინისტრმა ვრცლად ისაუბრა იმ ოთხ ინიციატივაზე, რომლებიც ზემოღნიშნული ზომების ფარგლებში განხორციელდება, კერძოდ: საქართველოსა და უკრაინის უფრო მეტად ჩართვა შავ ზღვაზე დაგეგმილ ნატო-სა და წევრი-ქვეყნების სწავლებებსა და წვრთნებში; ჰიბრიდული საფრთხეების წინააღმდეგ თანამშრომლობის გაღრმავება; საქართველოს ჩართვა შავი ზღვის რეგიონის საჰაერო სივრცის მონაცემთა გაცვლის რეგიონალურ პროგრამაში; უკრაინის უფრო მეტად ჩართვა ნატო-საქართველოს წვრთნისა და შეფასების ერთობლივი ცენტრსა და საქართველოს თავდაცვის ინსტიტუციური აღმშენებლობის სკოლაში დაგეგმილ ღონისძიებებში.
„ეს ოთხი მიმართულება ადასტურებს საქართველოს ევროატლანტიკური პროცესის შუქცევადობას და წარმოადგენს თავდაცვისა და უსაფრთხოების სფეროში, პოლიტიკური და ეკონიმიკური რეფორმებისა და დემოკრატიული ტრანსოფრმაციის კუთხით საქართველოს ხელისუფლების მიერ განხორციელებული რეფორმების კიდევ ერთ აღიარებას“ - განაცხადა ზალკალიანმა.
მისი თქმით, მინისტერიალს წინ უძღოდა საქართველოს საგარეო საქმეთა მინისტრისა და ნატო-ს გენერალური მდივნის სატელეფონო საუბარი, სადაც იან სტოლტენბერგმა ძალიან მაღალი შფასება მისცა საქართველოს მთავრობის საქმიანობას კოვიდ 19-თან გამკლავების მიმართულებით. როგორც ზალკალიანმა განაცხადა, მნიშვნელოვანია, რომ „მსოფლიოსთვის ასეთ რთულ ვითარებაში ალიანსი კვლავაც ერთგული რჩება საქართველოს ევრო-ატლანტიკური ინტეგრაციის კურსისადმი და საქართველო კვლავაც ნატოს პოლიტიკური დღის წესრიგშია“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.