ვერმონტელმა სენატორმა, ბერნი სანდერსმა ამერიკის შეერთებული შტატების საპრეზიდენტო კამპანიის შეჩერების შესახებ გამოაცხადა, რაც ასპარეზს ყოფილ ვიცე-პრეზიდენტს, ჯო ბაიდენს უხსნის, გახდეს „დემოკრატიული პარტიის“ საპრეზიდენტო კანდიდატი.

78 წლის სანდერსმა თავისი გადაწყვეტილების შესახებ კამპანიის თანამშრომლებს ოთხშაბათს კონფერენციის დროს, ზარის განხორციელებით უთხრა, ვიდრე თავის მხარდამჭერებს ინტერნეტის მეშვეობით მიმართავდა.

ოთხშაბათს, სანდერსმა მიულოცა ჯო ბაიდენს და განაცხადა, რომ იგი მასთან ერთად იმუშავებს იმისათვის, რომ „წინ წასწიოს ჩვენი პროგრესული იდეები“.

სანდერსმა დაამატა, რომ იგი ჯერ კიდევ იქნება საარჩევნო ბიულეტენებში იმ შტატებში, სადაც „დემოკრატიული პარტიის“ შიდა პარტიული არჩევნები უნდა ჩატარდეს, რათა შეაგროვოს დელეგატები და გავლენა მოახდინოს პარტიის ყრილობაზე არჩევნებისას.

„ერთად, გაერთიანებული ძალებით, ჩვენ წავალთ წინ, რომ დავამარცხოთ დონალდ ტრამპი, ყველაზე სახიფათო პრეზიდენტი თანამედროვე ამერიკის ისტორიაში“, განაცხადა სანდერსმა.