„ანტიკურ საბერძნეთში, პელოპონესის ომის დასაწყისში, ქრისტეშობამდე 430-429 წლებში, ათენელებს თავს დაატყდათ უდიდესი უბედურება ჭირის სახით, რომელმაც ქალაქში ხალხის არაჩვეულებრივი თავმოყრის გამო, გავრცელების მეტად კარგი ნიადაგი ჰპოვა. იგი მუსრს ავლებდა ათენელებს, რომლის შედეგად შექმნილი ვითარების მეტად შემაძრწუნებელ სურათს ხატავს თანამომსწრე ისტორიკოსი, თუკიდიდე, რომელსაც თვითონ გადაუტანია ეს სენი. იშვიათი იყოო ოჯახი, სადაც ამ საშინელ სენს თავისი გამანადგურებელი როლი არ ეთამაშა. იგი აღმოსავლეთიდან შემოუტანიათ ათენის ნავსადგურ პირევსში და აქედან გავრცელებულა ათენში. ჭირმა იმსხვერპლა მოსახლეობის მესამედი. შიმშილის, სივიწროვის და უყურადღებობის გამო ადამიანები იხოცებოდნენ ქუჩაში, ტაძრებში, მოედნებზე... ათენელები უნუგეშობამ შეიპყრო და, როგორც ეს ხშირად ხდება, ყველაფრის მიზეზად, ერთ-ერთ ყველაზე დიდი ათენელი, ათენის დემოკრატიის მამა, პერიკლე დაადანაშაულეს, პასუხისგებაში მისცეს და 50 ტალანტით (საკმაოდ დიდი თანხით - 1 ტალანტი დაახლოებით 25 კგ. ოქრო) დააჯარიმეს და ობერსტრატეგოსის (ფაქტიურად ათენი-ატიკის სახელმწიფოს მმართველობიდან) გადააყენეს, მართალია მერე მიხვდნენ რაც მიქარეს და 429 წელს კვლავ აირჩიეს სტრატეგოსად, მაგრამ მალე მასაც შეეყარა ჭირი და გარდაიცვალა... ჩვენ უფალმა გვაცილოს ასეთი

ლეტალობა, ბზობის მადლი შეგეწიოთ!!“ - წერს „ქართული ოცნების“ ყოფილი დეპუტატი, პროფესორი ომარ ნიშნიანიძე სოციალურ ქსელში.