ტელეკომპანია „იმედის“ გადაცემაში „ღია ეთერი“ სტუმრობისას საქართველოს თავდაცვის მინისტრმა ეპიდემიასთან ბრძოლაში თავდაცვის ძალების მიერ გაწერილ სავარაუდო სცენარებზე იმსჯელა.
მისი თქმით, თავდაცვის უწყებამ პირველივე დღეებიდან დაიწყო დაგეგმვა, გაკეთდა არაერთი სცენარის მოდელირება და ყველაზე რადიკალური, რთული სცენარისთვისაც კი, დეტალური გეგმა გაიწერა.
როგორც ირაკლი ღარიბაშვილმა საუბრისას აღნიშნა, ეპიდემიასთან ბრძოლის ფარგლებში დამატებითი ქალაქების დაკეტვის თაობაზე მთავრობის მიერ მიღებული გადაწყვეტილების შემდეგ, თავდაცვის ძალებს კიდევ დაემატება კონტროლის არეალი, გაიზრდება მობილური და სტაციონარული გადაადგილების კონტროლის პუნქტების რაოდენობა, რაც ძალიან დიდ ადამიანურ რესურსს მოითხოვს.
„ჩვენი სამხედროები რისკის ზონაში იმყოფებიან, ჩვენ არ ვიცით დაინფიცირებულ მოქალაქესთან გვიწევს თუ არა შეხება. ჩვენი ამოცანა, ჩვენი სახელმწიფოს ინტერესია, მაქსიმალურად შევამციროთ მობილობა და მოქალაქეების გადაადგილება“, - განაცხადა თავდაცვის მინისტრმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.