პარლამენტის ფრაქცია „ნაციონალური მოძრაობის“ თავმჯდომარის, რომან გოცირიძის განცხადებით, იმ პირობებში, როდესაც ხელისუფლებას არ აქვს პასუხი „რას უპირებენ მილიონამდე უმუშევრად დარჩენილ ადამიანს“, „ნაციონალურმა მოძრაობამ“ საგანგებო მდგომარეობის გაგრძლების შესახებ კენჭისყრაში მონაწილეობაზე უარი თქვა.

„არ ჰქონდათ იმის ზურგი, რომ მოსულიყვნენ პარლამენტში და პირნათლად ეთქვათ ხალხისთვის, რას უპირებენ მილიონამდე უმუშევრად დარჩენილ ადამიანს, რას უპირებენ იმ ხალხს, რომელსაც, ფაქტობრივად, ამ ერთი თვის განმავლობაში, ამოეწურება ყოველგვარი საარსებო რესურსი. ეს პასუხი ვერ მივიღეთ ჩვენ ისევე, როგორც ბიზნესთან დაკავშირებით. ამიტომ, არ დავუჭირეთ მხარი, არ მივიღეთ მონაწილეობა კენჭისყრაში და არ გავიზიარეთ პასუხისმგებლობა“, განაცხადა რომან გოცირიძემ.