დაქირავებით დასაქმებულები, რომლებმაც დაკარგეს სამსახური ან გაუშვეს უხელფასო შვებულებაში, დახმარების სახით 6 თვის განმავლობაში 1200 ლარს, თვეში 200 ლარს მიიღებენ. ამ დახმარებით სარგებლობას დაახლოებით 350 000 მოქალაქე შეძლებს, განაცხადა პრემიერ მინისტრმა გიორგი გახარიამ მთავრობის ადმინისტრაციაში, ანტიკრიზისული ეკონომიკური გეგმის წარდგენისას.

პრემიერმა აღნიშნა, რომ მთავრობის სამი მთავარი ამოცანაა ეპიდემიის დაძლევა, მოსახლეობის სოციალური უზრუნველყოფა და ეკონომიკის ამოქმედება.

გახარიამ აღნიშნა, რომ მთავრობამ სამი თის განმავლობაში 670 000-ზე მეტი ოჯახის ელექტროენერგიისა და გაზის გადასახადების სუბსიდირება მოახდინა, რისთვისაც 150 მილიონი ლარი გამოყო.

მან ასევე თქვა, რომ მთავრობა ფიქრობს, თუ როგორ დაეხმაროს დამატებით  ტურიზმის სექტორს.   

პრემიერის თქმით, ქვეყნის ეკონომიკური ზრდის ერთ-ერთი მთავარი მამოძრავებელი ძალაა ინფრასტრუქტურული პროექტები და იმისათვის, რომ ქვეყნის ეკონიმიკა არ გაჩერდეს, მთავრობამ 200 მილიონი ლარი გამოყო.

გახარიამ დასძინა, რომ ბიუჯეტი 1 მილიარდ 800 მილიონ ლარს დაკარგავს, ეკონიმიკური ზრდა კი -4% იქნება და აქედან გამომდინარე მოხდა ხარჯების შემცირება.

პრემიერის განცხადებით, ევროკავშირმა და საერთაშორისო სავალუტო ფონდმა მნიშვნელოვანი დახმარება გაუწიეს ქვეყანას.

მან აღნიშნა, რომ ბიუჯეტის მიმართულებით საქართველომ მოიპოვა 1,5 მილიარდი აშშ დოლარი, ასევე კერძო სექტორს ექნება წვდომა დამატებით 1,5 მილიარდ დოლარზე და ჯამში ეს თანხა 3 მილიარდს შეადგენს.