პრემიერ მინისტრმა გიორგი გახარიამ განაცხადა, რომ უკრაინის, საქართველოს „სტრატეგიული პარტნიორის მიერ საქართველოში მძიმე დანაშაულებებისთვის უკვე გასამართლებული, მისჯილი და ძებნილი ადამიანის [მიხეილ სააკაშვილის] ვიცე-პრემიერად დანიშვნა კატეგორიულად მიუღებელია“.

„მე მინდა გითხრათ, რომ უკრაინელი ხალხი არის ჩვენთვის მოძმე ხალხი. უკრაინის სახელმწიფო არის ჩვენი სტრატეგიული პარტნიორი და ამას გრძელვადიან პერსპექტივაში ვერ შეცვლის ვერაფერი, ვერანაირი ვიწრო პოლიტიკური კონიუნქტურა, თუმცა სტრატეგიული პარტნიორის მიერ საქართველოში მძიმე დანაშაულებებისთვის უკვე გასამართლებული, მისჯილი და ძებნილი ადამიანის ვიცე-პრემიერად დანიშვნა, ჩვენთვის კატეგორიულად მიუღებელია, ისევე როგორც ჩემთვის პირადად მიუღებელია ჩემი ქვეყნის პრეზიდენტის უკრაინის რომელიღაც რესტორანში თმებით თრევა და იქიდან ომონით და პოლიციით გამოყვანა, ესეც ასეევ ჩემთვის მიუღებელია, თუმცა რა თქმა უნდა, მსგავს ნაბიჯს საქართველოს მხრიდან შესაბამისი რეაქცია მოჰყვება, თუმცა ჩვენ ჯერ ელჩი არ გამოგვიწვევია, მაგრამ თუ ასეთი გადაწყვეტილება იქნება მიღებული, ჩვენ ელჩს, როგორც მინიმუმ კონსულტაციებისთვის გამოვიწვევთ“, განაცხადა გიორგი გახარიამ მთავრობის ადმინისტრაციაში მიმდინარე ბრიფინგზე.