გერმანიის შრომის მინისტრს სურს, რომ კორონავირუსის პანდემიის შემდეგაც, რომელ სფეროშიც ეს მოსახერხებელი იქნება, სახლიდან მუშაობამ კანონის სახე მიიღოს.
შრომის მინისტრმა, 47 წლის ჰუბერტუს ჰეილმა „ბილდის“ კვირის გამოცემას, გაზეთ „Bild am Sonntag“-ს უთხრა, რომ იგი ამგვარი კანონპროექტის წარდგენას მიმდინარე წლის შემოდგომაზე აპირებს. მან თქვა, რომ წინასწარი შეფასებით, ვირუსით გამოწვეული კრიზისის დროს, გერმანიაშისახლიდან მომუშავე სამუშაო ძალის პროპორცია 12%-დან 25%-მდე გაიზარდა, დაახლოებით 8 მილიონი ადამიანით.
„ყველას, ვისაც სურვილი ექნება და ვისი სამსახურიც ამის გაკეთების საშუალებას იძლევა, უნდა შეეძლოს სახლიდან იმუშაოს, მაშინაც კი, როცა კორონას პანდემია დასრულდება. ჩვენ პანდემიის დროს ვიგებთ, რამდენი სამუშაო შეიძლება შესრულდეს სახლიდან“, განაცხადა ჰეილმა.
მან ხაზგასმით თქვა: „ჩვენ გვსურს უფრო მეტ ადამიანს მივცეთ სახლიდან მუშაობის საშუალება, მაგრამ არ უნდა ვაიძულოთ ამის გაკეთება“. მინისტრმა აღნიშნა, რომ ადამიანებს უნდა ჰქონდეთ საშუალება აირჩიონ მთლიანად სახლიდან სურთ მუშაობა, თუ კვირაში მხოლოდ 1 ან 2 დღე.
ჰეილის მემარცხენე-ცენტრისტულმა „სოციალ-დემოკრატებმა“, კანცლერ ანგელა მერკელის კოალიციური მთავრობის პარტნიორმა, გასული წლის დეკემბერში, გაცილებით ადრე, ვიდრე კორონავირუსი იფეთქებდა, წამოაყენა ინიციატივა სახლიდან მუშაობის თაობაზე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.