სეტყვის საწინააღმდეგო სისტემამ კახეთის რეგიონში 1 მაისს სეტყვასაშიში პროცესები გაანეიტრალა, დამუშავებულია 786 კმ2 საერთო ფართობის ღრუბლის მასები, რისთვისაც სისტემამ რამდენიმე ათეული რაკეტა გაისროლა.
როგორც GUARDIAN.GE-ის ბუნებრივ მოვლენებზე აქტიური ზემოქმედების ცენტრიდან აცნობეს, დღის მეორე ნახევარში სამხრეთ-დასავლეთი მიმართულებიდან მოძრავი ფრონტალური ღრუბლის მასები რეგიონში ორ ეტაპად შემოვიდა და მოიცვა გურჯაანის და ახმეტის რაიონები.
მეტეოროლოგიური რადიოლოკაციური სადგურით დაკვირვებამ აჩვენა, რომ კრიტიკულ ეტაპზე სეტყვის მოსვლის ალბათობა 100 %-ს შეადგენდა, მოსალოდნელი სეტყვის მარცვლების დიამეტრი 14 მმ იყო.
ბუნებრივ მოვლენებზე აქტიური ზემოქმედების ცენტრის მიერ პირველ ეტაპზე 19:34 დან 20:27 საათამდე გურჯაანის რაიონში, მეორე ეტაპზე კი 2 მაისის დილის 04:19 დან 05:50 საათამდე ახმეტის რაიონში ღრუბლის მასები რამდენიმე ათეული რაკეტით დამუშავდა.
ზემოქმედების შედეგად ნალექის სრული მასა ძლიერი წვიმის სახით სასოფლო-სამეურნეო სავარგულების თავზე ჩამოიცალა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.