გადაცემა "მთავარ თემაში" სტუმრობისას ირაკლი ალასანიამ იმ მთავარ ფაქტორებზე ისაუბრა, რამაც კოალიციას 2012 წლის არჩევნების მოგების შანსი მისცა. მისი თქმით, ივანიშვილისნაირი ოდიოზური ფიგურა ვერ შეძლებდა პოლიტიკაში მოსვლას, რომ არა სააკაშვილის შეცდომები, რაც მან 2007 წლიდან დაუშვა.
"მთელი ჩემი შეგნებული ცხოვრება მე და ჩემი თანაგუნდელებიც, ვემსახურებოდით სახელმწიფოს და მის ინტერესებს. როდესაც დავინახეთ, რომ სააკაშვილს სხვა მიმართულებით მიჰყავდა ქვეყანა და გადაუხვია დემოკრატიის გზიდან, რაც უკვე 2007 წლის ბოლოდან გამოჩნდა თორემ, მანამდე აბსოლუტურად სწორად მიჰყავდათ ეს ქვეყანა და სწორი რეფორმები იყო გატარებული, დავუპირისპირდი და წავედი მის ოპოზიციაში. ამ ბრძოლოს დროს არსად არ იყო და არ ჩანდა ბიძინა ივანიშვილი, პირიქით, მაშინ ის აფინანსებდა სააკაშვილს.
მან დაინახა სწორი დრო, როდის შემოსულიყო პოლიტიკაში. და ეს სწორი დრო შევუქმენით ჩვენ, ყველა იმ ადამიანმა, ვინც დაპირისპირებული ვიყავით საკაშვილთან. მან შეიტანა ამ გამარჯვებაში დიდი წვლილი, რომ უსისხლოდ დამთავრდა ყველაფერი. იმის გამო, რომ სააკაშვილმა მთლიანად ჩაკეტა პოლიტიკური სივრცე, სწორედ ამან განაპირობა, ბიძინა ივანიშვილისნაირი ოდიოზური ფიგურა მოსულიყო პოლიტიკაში. ეს ისტორიას უნდა ჩაბარდეს, ოდიოზური ფიგურები საქართველოს აღარ სჭირდება. ჩვენ გვჭირდება ღია, გახსნილი, პროგრესული ადამიანები, ვინც არ შეუშინდება ოპოენეტების განსხვავებულ აზრს. და მათ არ ჩათვლის მტრებად. ბიძინა ივანიშვილის და მისი ხელისუფლების პრობლემა ისაა, რომ "ნაციონალები" გამოაცხადეს მოსისხლე მტრებად და მიდის მათზე ნადირობა. ივანიშვილი არ არის თვითკრიტიკული, მას ჰგონია ყველაფერი იცის დედამიწის ზურგზე, გამოსავალს ეძებენ პრობლემის სხვაზე გადაბრალების კუთხით.
ალასანიამ გადაცემაში ასევე ისაუბრა 2012 წლის წინასაარჩევნო დაპირებების რეალურ მხარეებზე, მისი თქმით, ის დაპირებები გათვლილი იყო მხოლოდ იმაზე, კოალიცია მოსულიყო ხელისუფლებაში: "დაპირებები გათვლილი იყო მხოლოდ არჩევნების მოგებაზე. მაგრამ, მათ შეეძლოთ შეესრულებინათ გაცემული დაპირებების 50%-ი, რომ ეს სამი წელი არ დაკარგულიყო მხოლოდ გადაბრალებებში და ოპონენტების დევნაში და მთავრობა ყოფილიყო ეფექტური მენეჯერებით დაკომპლექტებული”-აღნიშნა ალასანიამ.
წყარო: http://news.ge/
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.