სეტყვის საწინააღმდეგო სისტემის აქტიური გამოყენების შედეგად 11 ივნისს კახეთის ხუთ რაიონში სეტყვასაშიში პროცესები განეიტრალდა.
რეგიონში სამხრეთ-დასავლეთი მიმართულებიდან შემოსული ფრონტალური ტიპის ატმოსფერული ნალექის მასები ხუთ რაიონში სამ ეტაპად გავრცელდა. სეტყვასაშიში პროცესების გასანეიტრალებლად სისტემამ საერთო ჯამში 60 ერთეულამდე რაკეტა გაისროლა.
პირველ ეტაპზე დღის 17:30 საათიდან ღრუბლის მასები სიღნაღის და დედოფლისწყაროს რაიონებში გავრცელდა. კრიტიკულ ეტაპზე სეტყვის მოსვლის ალბათობამ 100 % შეადგინა, მოსალოდნელი სეტყვის მარცვლების ზომა 9 მმ იყო.
18:00 საათიდან ღრუბელი უკვე თელავის რაიონშიც გავრცელდა, კრიტიკულ ეტაპზე სეტყვის მოსვლის ალბათობამ 100 % შეადგინა, მოსალოდნელი სეტყვის მარცვლების ზომა 27 მმ იყო. დამუშავების შედეგად ღრუბელი შესუსტდა და 19:10 საათისთვის გასცდა დასაცავ ტერიტორიას.
18:16 საათიდან ღრუბლის მასებმა გურჯაანის და ყვარლის რაიონები მოიცვა. კრიტიკულ ეტაპზე სეტყვის მოსვლის ალბათობამ 100 % შეადგინა, მოსალოდნელი სეტყვის მარცვლების ზომა 58 მმ იყო.
სამივე ეტაპზე 18:11 სთ-დან 19:37 სთ-მდე სარაკეტო დამუშავება აკრძალული ზონების არსებობის პირობებში შეზღუდვებით მიმდინარეობდა.
ზემოქმედების შედეგად ნალექის უდიდესი ნაწილი წვიმის სახით ჩამოიცალა.
გარკვეული რაოდენობის სეტყვის მოსვლა ყვარლის რაიონში დასახლებული ტერიტორიების თავზე, სროლისთვის შეზღუდულ რაიონებში დაფიქსირდა.
ბუნებრივ მოვლენებზე აქტიური ზემოქმედების ცენტრის მიერ მონიტორინგი 24 საათიან რეჟიმში გრძელდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.