ეუთოს საპარლამენტო ასამბლეის პრეზიდენტმა, გიგი წერეთელმა მონაწილეობა გენდერული თანასწორობის მიმართ პანდემიის გავლენის შედეგების თემაზე გამართულ ონლაინ კონფერენციაში მიიღო.
საპარლამენტო ასამბლეის მიერ ორგანიზებული ვებინარი პანდემიის წინააღმდეგ დაგეგმილ ღონისძიებებში და სამოქმედო გეგმის მომზადების პროცესში ქალთა ჩართულობის და პოსტ ეპიდემიურ პოლიტიკის შემუშავებისას ქალთა საზოგადოებრივი ორგანიზაციების გამოცდილების გამოყენების საკითხებს დაეთმო.
კონფერენციის მონაწილეებმა: საპარლამენტო ასამბლეის დელეგაციის ხელმძღვანელებმა, საპარლამენტთაშორისო კავშირის პრეზიდენტმა, გაბრიელა ბარონმა, ODIHR-ის ხელმძღვანელმა, ინგიბორგ გისლადოტირმა, გენდერულ საკითხებში ეუთოს საპარლამენტო ასამბლეის სპეციალურმა წარმომადგენელმა, ჰეიდი ფრაიმ და ექსპერტებმა თემის ირგვლივ მსჯელობა გამართეს და საკითხის მნიშვნელობა განიხილეს.
ონლაინ კონფერენციისას აღინიშნა, რომ კოვიდ ეპიდემიამ დიდი გავლენა მოხდინა სხვადასხვა პროცესებზე, როგორიცაა ეკონომიკა, ჯანმრთელობის სისტემები, უმუშევრობის გაზრდა და სხვა.
ამ პერიოდში კი მნიშვნელოვანია, გენდერული თანასწორობის შენარჩუნება და მიმდინარე პროცესების მართვისას ქალთა ჩართულობის გააქტიურება.
როგორც ვებინარის მონაწილეებმა აღნიშნეს, პანდემიის პერიოდში ქალების დატვირთვის ხარისხი კიდევ უფრო გაიზარდა. კერძოდ, მამაკაცებთან შედარებით, სამედიცინო დაწესებულებებში უფრო მეტი ქალია დასაქმებული და შესაბამისად, ისინი რისკის ქვეშ იმყოფებიან. ასევე მაშინ, როდესაც განათლების სისტემა ფაქტობრივად დაიხურა, საოჯახო საქმეებთან მიმართებაში, ქალებს გაცილებით მეტი ტვირთი დააწვა.
„ბევრი ის მიღწევა, რაც გენდერული თანასწორობის მიმართულებით, მსოფლიოში გლობალურად არსებობდა, დღეს საფრთხის ქვეშ დადგა. პოსტ ეპიდემიურ ფაზაში, მაშინ როდესაც მძიმე ვითარებიდან ეტაპობრივი გამოსვლა ხდება, მნიშვნელოვანია, რომ ამ მიღწევების შენარჩუნება მოხდეს და გენდერული თანაბრობა და ნორმები მაქსიმალურად იყოს დაცული. ქალთა მდგომარეობა და გენდერული დისბალანსი, უფლებრივი დისკრიმინაცია განსაკუთრებით მიგრანტთა და დევნილთა კომპაქტურად დასახლებებში, ასევე კონფლიქტურ ზონებში და ოკუპირებულ ტერიტორიებზე შეინიშნება. სადაც არ არის ხელმისაწვდომობა სამედიცინო სერვისებთან, ხშირ შემთხვევაში არ ხდება სოციალური დისტანციის და ჰიგიენური ნორმების დაცვაც“, - განაცხადა გიგი წერეთელმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.